මේ වන විට එ.අයි.වී ආසාදිතයින් තුන් දහසකට ආසන්න පිරිසක් සිටින බවට හෙළිවී ඇත. ඒ අතුරින් රෝගීන් දෙදහසකට අධික පිරිසක් හඳුනාගෙන ඇත. 1987 වසරේ පළමු ඒඞ්ස් රෝගියා හඳුනා ගැනීමෙන් අනතුරුව මේ දක්වා වූ කාලය තුල මියගොස් ඇති එච්.අයි.වී ආසාදිතයින්ගේ සංඛ්‍යාව 331 කි.
මේ අතර සෞඛ්‍ය අමාත්‍යාංශය විසින් එච්.අයි.වී රුධිර පරීක්ෂණ සඳහා ජනතාව යොමුකර ගැනීමේ විශේෂ වැඩසටහන් මාලාවක් දියත් කර තිබේ. මෙම වැඩපිළිවෙලේ අරමුණ වන්නේ හඳුනා නොගත් ආසාදිතයින් හඳුනා ගැනීමය.
අදට යෙදී තිබෙන ලෝක ඒඩ්ස් දිනය ලොව පුරා සමරනු ලබන අතර මෙවර ඒඩ්ස් දිනයේ තේමාව වී ඇත්තේ අදම පරීක්ෂා කර ගන්න යනුවෙන්ය.
