රටක රාජ්‍ය අංශයේ සිදුවන දූෂණ තත්ත්වයන් සැලකිල්ලට ගනිමින් මෙම දර්ශකය සකස් කෙරේ. කිසියම් රටක රාජ්‍ය අංශය උපරිම ආකාරයෙන් දූෂිත නම් ලකුණු 0ක්ද, සම්පූර්ණයෙන්ම දූෂණයෙන් තොර නම් උපරිම ලකුණු 100ක් ලබා දී මෙම දර්ශකය සකස් කර ඇත.
ලකුණු ලබාදීම සිදුකෙරෙන්නේ බින්දුවේ සිට 100 දක්වා වූ පරාසය තුළය. දර්ශකයට ඇතුළත් වූ රටවල් අතරින් තුනෙන් දෙකකට වැඩි ප‍්‍රමාණයක් ලබාගෙන ඇත්තේ ලකුණු 50කටත් වඩා අඩු ප‍්‍රමාණයකි. මෙවර ලකුණු 92ක් ලබාගනිමින් දූෂණය අවම රටවල් අතරින් ඩෙන්මාර්කය පළමු ස්ථානය හිමිකරගෙන තිබේ.
ලකුණු 91ක් ලබාගත් නවසීලන්තය දෙවන ස්ථානයේ ද, 89ක් ලබාගත් පින්ලන්තය තුන්වන ස්ථානයේ ද පසුවේ. දර්ශකයේ අවසන් ස්ථානයේ පසුවන්නේ උතුරු කොරියාවය. ඔවුන් ලබාගෙන ඇති ලකුණු සංඛ්‍යාව 8ක්. දකුණු ආසියානු කලාපයෙන් ඉහළම ලකුණු ප‍්‍රමාණයක් ලබාගෙන ඇත්තේ භූතානයයි. ඔවුන් ලබාගෙන ඇති ලකුණු සංඛ්‍යාව 65කි.
දූෂණ සංජනන දර්ශකය සඳහා නිශ්චිත කාලවකවානුවක් තුළ පරාස කිහිපයක් යටතේ කරුණු විශ්ලේෂණය කෙරේ. රටක ව්‍යාපාරික ප‍්‍රජාව, විශේෂඥයින්, රාජ්‍ය සේවකයින් සහ දේශපාලනඥයින්ගේ දූෂණ පිළිබඳ තොරතුරු අධ්‍යයනය කර ලකුණු ලබාදීම සිදුකර අැත.
