ඊයේ(03) පිටකෝට්ටේ සෝලිස් හෝටලයේ පැවති මාධ්‍ය හමුවකට එක්වෙමින් ෆොන්සේකා මහතා මෙම අදහස් පළ කළේය.

2010 ජනාධිපතිවරණයේදී තමන් පොදු අපේක්ෂකයා ලෙස තනිව බොරළු පාරක ගමන් කළද, මෙවර මෛත්‍රීපාල මහතා බොහෝ පිරිසක් කැටුව අධිවේගයක ගමන් කරන බව ෆොන්සේකා මහතා පැවසුවේය.

2010 වසරේදී මහින්ද රාජපක්ෂ රෙජිමයට එරෙහිව නැඟී සිටියේ මිලිටරි ජෙනරල් බවත්, 2015 දී නැඟී සිටින්නේ සෙකට්‍රි ජෙනරල් බවත්, ඉදිරියේදී ජෙනරල් පබ්ලික් නැඟී සිටීම අනිවාර්ය බවත් ඔහු අවධාරණය කළේය.


ජනාධිපතිවරයා පවසන පරිදි හෙතෙම ෆයිල් කවර අතේ තියාගෙන සිටින බවත්, ෆයිල් කවර අතේ තියාගෙන ඔඩොක්කුවේ සිටින හොරුන්ට කිරි පොවමින් සිටින බවත් ෆොන්සේකා මහතා සඳහන් කළේය.

මෙවර ජනාධිපතිවරණයේදී පාලකයා පැරදවීමටත් පක්ෂයේ ස්ථාවරත්වය රැක ගැනීමටත් ජනාධිපතිවරණයට අපේක්ෂකයෙකු ඉදිරිපත් කිරීම හෝ පොදු අපේක්ෂකයාට සහයදීම කළ හැකිව තිබුණු බව ඔහු පෙන්වාදුන්නේය.

තමන්ගේ පාර්ශවයේ සිටිනා මීමින්නන් වැනි කුඩා සතුන් ජනාධිපතිවරයා විසින් බාගනිද්දී ආණ්ඩු පක්ෂයේ සිටින කොටින්,සිංහයන් වැනි පතාක යෝධයින් තම පාර්ශවයට එකතුවන බව ප්‍රජාතන්ත්‍රවාදී පක්ෂයේ නායක සරත් ෆොන්සේකා මහතා පවසයි.

සම්පූර්ණ හඬ පටය

{soundcloud}https://soundcloud.com/lankadaily/fonseka{/soundcloud}