විශේෂයෙන් සංචාරක හෝටල් සේවකයන්ගේ වැටුප අනෙකුත් ක්‍ෂෙත‍්‍රයන්ට සාපේක්‍ෂව ඉතා අඩු අගයක් ගන්නා අතර සේවා ගාස්තු ප්රධාන කොට ඔවුන්ගේ ජීවිකාව කරගෙන යනු ලබයි. ඒත් සේවා ගාස්තු ලැබීම්, පියවීම් හා එහි ඇති විනිවිද භාවයන් සම්බන්ධයෙන් හෝටල් තුල විශාල ගැටළු, ආරවුල් මතුව ඇත. මෙයට අමතරව සේවා ගාස්තු සඳහා සේවා භාර අරමුදල්, අර්ථසාධක අරමුදල්, පාරිතෝෂික හා අතිකාල ගණනය කිරීමත් සිදුවන්නේ ද නැත. මේ හේතුවෙන් හෝටල් සේවකයන් විශ‍්‍රාම ගැන්වීමෙන් පසුව ඉතා කටුක අත්දැකීම් වලට ඔවුනට මුහුණ දීමට සිදුව ඇති බව ඔවුන් පවසයි.
මෙයට ප්රධාන හේතුව ලෙස හෝටල් සේවක මධ්‍යස්ථානය පවසන්නේ එම සේවා ගාස්තුව කිසිදු නීතියකින් ආවරණය නොවන හෝටල් පරිපාලනය මතම පාලනය වන ගාස්තුවක් වීමය. මෙවැනි ගැටළු හා ආරවුල් මතු වී ඇත්තේ මේ සඳහා නීතිමය ආවරණයක් නොවන තත්වයන් යටතේ බවය.
මෙවැනි ගැටලුකාරී තත්වයන් පදනම් කර ගනිමින් හෝටල් සේවක මධ්‍යස්ථානය සේවක ඉල්ලීම් 12 ක් ඉදිරිපත් කර අැත.
01. සේවා ගාස්තුව වැටුපේ කොටසක් ලෙස සැලකීමට නීති සකස් කිරීම.
02. අවම සේවක වැටුප රු. 15000/= ක් දක්වා වැඩි කිරීම.
03. ස්ප්ලිට් (split) සේවා මුර ක‍්‍රමයට එරෙහිව නීතිය දැඩිව කි‍්‍රයාත්මක කිරීම.
04. EPF/ETF, Gratiuty අතිකාල සේවා ගාස්තුව ද ඇතුලත්ව ගණනය කිරීම.
05. වසරකට වඩා වැඩි අනියම් සේවකයන් වහා ස්ථිර කිරීම.
06. කොන්ත‍්‍රාත් සේවක ක‍්‍රමය අහෝසි කිරීම.
07. පුහුනූ කාලය වසරකින් පසු රැුකියා ස්ථිර කිරීම.
08. කැඩුම් බිඳුම් ගාස්තු සේවා ගාස්තු වලින් අඩු කිරීම වහා නැවැත්වීම.
09. කුසලතා හා ජ්‍යෙෂ්ඨත්වය පදනම් කර ගනිමින් විධිමත් උසස්වීම් ක‍්‍රමයක් හඳුන්වා දීම.
10. වැඩිවන ජීවන අංකය පදනම් කර ගනිමින් වැටුප් ව3⁄4ධකය ලබාදීම.
11. ජාත්‍යන්තර කම්කරු සම්මේලනයේ අනුමත 172 සම්මුතීන් වල නි3⁄4දේශ කි‍්‍රයාත්මක කිරීම.
12. වෛද්‍ය පහසුකම් නොමිලේ ලබාදීම.
මෙම ගැටළු ඉදිරිපත් කරමින් ඒවාට විසඳුම් ලබාදෙන ලෙස ඔවුහු ඉල්ලා සිටිති.
