උන් වහන්සේ ඒ බව බවසා සිටියේ සිය 60 වැනි ජන්ම දිනය සමරා ජාතික නාමල් උයනට යාබදව පුබ්බෝගම ගම්මානයේ පිහිටි ටිකිරි පෙර පාසලේ දරුවන් සඳහා භාණ්ඩ ප්‍රදානය කිරීමේ අවස්ථාවට සහභාගි වෙමිනි.
එහිදී වැඩිදුටත් අදහස් දක්වමින් උන් වහන්සේ කියා සිටියේ රටේ සංඝ රත්නය කළ යුත්තේ පාලකයන්ගේ වරප්‍රසාද වලට වලට ගිජුව සමාජ හා ආගමික වගකීමෙන් බැහැරව පාලකයන් සතුටු කිරීම නොව පාලකයන් නිසි මගට හා ප්‍රායෝගික වැඩපිළිවෙළකට යොමු කිරීම බවයි.
වර්තමානයේ බෞද්ධ භික්ෂූන් වහන්සේ සහ ගිහි බෞද්ධයා අතර ඇති වී තිබෙන මත ගැටුම් මෙන්ම අර්බුධකාරී තත්වයෙන් සමස්ථ සංඝ සමාජයම ජාතික හා ඡාත්‍යන්තර වශයෙන් විශාල අපකීර්තියකට පත්ව ඇතැයි මොහොතක සියළුම භික්ෂූන් වහන්සේලා නිකාය භේදයකින් තොරව ඒකරාෂී වී ක්‍රියාකළ යුතු බවද උන් වහන්සේ පැවසූහ.
