ජනවාරි 08 වැනිදා පැවැත්වෙන මැතිවරණයේදී පරාජයට පත්වුවද තවත් වසර දෙකක කාලයක් රැඳීසිටිය හැකි බවට විහිළු තර්කයක් ඉදිරිපත් කරමින් සිටින බවත්, එහෙත් ව්‍යවස්ථාවට අනුව එවැනි ප්‍රතිපාදනයක් නොමැති නිසා සෙල්ලම් කිරීමට ලැස්ති නොවන ලෙසත් එම පක්ෂයේ ප්‍රධාන ලේකම් ටිල්වින් සිල්වා මහතා සඳහන් කළේය.
පරාජයට පත්වී තිබියදීත් ජනාධිපති ධුරයේ දිගටම රැඳී සිටීමට කටයුතු කරනවා නම් ජනතාව තෝරාගත් නායකයාට ජනාධිපති ධුරය ලබාදීමට මහින්ද රාජපක්ෂ මහතා එළවාදැමීමට ජනතාව කටයුතු කළ යුතු බව ඔහු පවසා සිටියේය.
මැතිවරණයෙන් පසු පිහිටුවන ආණ්ඩුවක කොටස්කාරයෙකු වීමට ජනතා විමුක්ති පෙරමුණ සූදානම් නැති බවත්, එහෙත් මැතිවරණයෙන් පසු පිහිටුවන ආණ්ඩුව ලවා මැතිවරණයට පෙර ලබාදුන් පොරොන්දු ඉටුකරවාගැනීමට මැදිහත් වන බවත් පවසා සිටියේය.
