දෙසැ. 17 දින පෙරවරුවේ මෙම අත් පත්‍රිකා බෙදීමට ලංකා ගුරු සංගමයේ රේණුකා මලියගොඩ මහත්මිය ඇතුඵ කණ්ඩායමක් ද එක් වී ඇත. නගර සභාව අසල දී අත් පත්‍රිකා බෙදමින් සිටිය දී පැමිණි මහනුවර නගරාධිපතිවරයාගේ පුද්ගලික ආරක්ෂකයින් කථිකාචාර්යවරුන් දෙදෙනා කාමරයකට රැගෙන ගොස් හිර කොට ඇත.
මෙම ස්ථානයනට පැමිණි අත් පත්‍රිකා බෙදීමට සහාය දක්වන පිරිසට පහරදීමක් ද සිදුවූ ඇති අතර මලියගොඩ මහත්මියගේ අතට තුවාල සිදු වී ඇත. මේ සම්බන්ධයෙන් මහනුවර පොලීසියට පැමිණිල්ලක් සිදු කොට ඇත.
අදහස් ප්‍රකාශ කිරීමේ අයිතිය තහවුරු නොවන මැතිවරණ ව්‍යාපාරයක නිදහස් බව යථාර්ථයක් නොවේ. පුරවැසියන් හා සංවිධානය වෙත නිදහසේ තම අදහස් ප්‍රකාශ කිරීමට ත්, එම අදහස් ජනතාව වෙත සන්නිවේදනය කිරීමටත් අවශ්‍ය නිදහස තහවුරු කරන ලෙස කැෆේ සංවිධානය දැඩිව ඉල්ලා සිටී.
