පළමුව මෙ සම්මාන කමිටුව තීරණය කර තිබුණේ අත් පිටපත් තරගයෙන් ජය්‍රහණය ලබන කෘතියට ලක්ෂ පහක මුදලක් ප්‍රදානය කිරීමට වුව ද මෙවර ලැබි තිබූ කෘති අතුරින් කාති පහක් ම සම්මානයට පාත්‍ර කිරීමට අදාළ සම්මාන කමිටුව තීරණය කර තිබිණ. එහි ප්‍රතිඵලයක් වශයෙන් පහත සඳහන් කෘති පහ ප්‍රශස්ත ම කෘති පහ වශයෙන් තෝරාගත් අතර එම ලේඛක ලේඛිකාවන්ට සම්මාන සහ මුදල් ත්‍යාග පිරිනැමී ය.
අග්නි නදී තෙර - ටී. එම්. ටී. මැදගමගේ
අම්මා සේ මා - ශ්‍රීමා ලාලනී
ඇදහිය නොහැකි නිහඬතාව - චම්පා වෛද්‍යතිලක
කන්දේ ගින්දර - මාබොදලේ නන්දතිස්ස
දියහැර තැන්න - ජයරත්න වීරක්කොඩි
ගොඩගේ නවකතා අත්පිටපත් තරගයේ සම්බන්ධිකාරක ලෙස කටයුතු කළ ප්‍රවීණ පරිවර්තක සහ ලේඛක උපාලි ලිලාරත්න මහතා පවසා සිටියේ නවකතා අත්පිටපත් 75 ක් ලැබි තිබූ බවයි. ඒ අතුරින් තෝරාගත් ප්‍රශස්ත කෘති පහ පමණක් දැනට මුද්‍රණද්වාරයෙන් එළිදක්වා ඇති අතර ඉදිරියේදි ඉතිරි නවකතා 70 අතුරින් උසස් මට්ටමක පවතින කෘති කිහිපයක් ද මුද්‍රණය කිරීමට බලාපොරොත්තු වන බවයි. එමෙන් ම ඉදිරි කාලයේ දී මෙම තරගය දෙමළ මාධ්‍යයට ද විවෘතවන බවත්, මෙම සම්මාන ප්‍රදානය නවකතාවට පමණක් නොව කවිය, කෙටිකතාව සහ වෙනත් ඉසව් කෙරෙහි යොමු කිරීම පිළිබඳව ද අවධානය යොමු කොට ඇති බව ඒ මහතා වැඩි දුරටත් පැවසී ය.
මෙම අත්පිටපත් තරගයේ විනිශ්ච මණ්ඩලය ලෙස කටයුතු කොට ඇත්තේ: පූජ්‍ය බටුවන්ගල රාහුල හිමි ප්‍රමුඛ දයා දිසානායක මහතා, මහාචාර්ය ප්‍රණිත් අභයසුන්දර මහතා සහ ප්‍රවීණ ලේඛිකා සෝමා ජයකොඩි මෙනවිය යි.
ජයසිරි අලවත්ත - This email address is being protected from spambots. You need JavaScript enabled to view it.
