ඊයේ (21දා) පැවති මාධ්‍ය සාකච්ඡාවකදී අමාත්‍යවරයා මේ බව පැවසීය.
ශ්‍රී ලං.නි.ප.යෙන් ඉවත් වුවත්, තවමත් ශ්‍රී ලං.නි.ප. මහලේකම් ලෙස ලිපි ලියන මෛත්‍රීපාල සිරිසේන මහතා සමග ශ්‍රී ලං.නි.ප. සභාපති වන මහින්ද රාජපක්ෂ මහතා සමග විවාදයකට සූදානම් වූවත්, පක්ෂයක් වශයෙන් එය ප්‍රතික්ෂේප කරමින් මහින්ද රාජපක්ෂ මහතාගේ තීරණයට විරුද්ධ වන බව අමාත්‍යවරයා පවසා සිටියේය.
අමාත්‍ය ධුරය දරන කාලයේ කැබිනට් මණ්ඩලය තුළ රටේ යහපත වෙනුවෙන් විවාද ඇතිවූවත්, ඒ කිසිදු විවාදයකට මෛත්‍රීපාල සිරිසේන මහතා සහභාගී නොවූ බවද ඔහු සඳහන් කළේය.
මේ නිසා එවැනි කෙනෙකු සමග විවාදයට යාමත් ලජ්ජාසහගත බවත්, විවාදයක් අවශ්‍ය නම් ජනවාරි 09 වැනිදා අරලියගහ මන්දිරයට පැමිණෙන ලෙසට සිරිසේන මහතාට ආරාධනා කරන බවත් භාණ්ඩාගාරික අමාත්‍යවරයා වැඩිදුරටත් පවසා සිටියේය.
මහින්ද කෙසේ නමුත් අණ්ඩුවෙන් ඉවත්වූ මැති ඇමැතිවරු පෙන්වා දෙන්නේ කැබිනට් මණ්ඩලය තුල කිසි දිනෙක විවාදයන්ට ඉඩ නොලැබුණ බවය. එමෙන්ම මෛත්‍රීපාල සිරිසෙන මහතා මෙරට මාර්ග සංවර්ධනය සම්බන්ධයෙන් දූෂණ වංචා සිදුවන බව හෙලි කිරීම නිසා තමන්ට ජනාධිපතිවරයාගෙන් එල්ල වූ තර්ජනය ගැනද පසුගියදා හෙළි කරනු ලැබීය.
එමෙන්ම ඩලස් අලහප්පෙරුම මහතා විවාදය මඟ හැරීම සඳහා ඉදිරිපත් කරන තර්කය විකාර සහගතය. ජනාධිපතිවරණයට ඉදිරිපත්ව සිටින අපේකෂකයන් යනු රටේ ඉදිරි ජනාධිපතිවරයා ලෙස පත් කර ගැනිමට ජනතා කැමැත්ත ඉල්ලා සිටින තැනැත්තන්ය.
එම අවස්තාවේදී ඔවුන් සමාන අපෙක්ෂකයන් වන අතර පෙර ඔවුනොවුන් අතර තිබුණු සම්බන්ධතා මත විවාදයකට පැමිණීම මඟ හැරීම ඊට මුහුණ දීමට ඇති නොනැකියාව පෙන්නුම් කිරීමක් බව දේශපාලන විචාරක මතයයි.
