මෙහිදී තවදුරටත් කතා කරමින් ප්‍රනාන්දු මහතා මෙසේද පැවසීය.
"දැන් හැමෝම සැකකරනවා ඒ වගේම හිතාගෙන ඉන්නේ මා එක්සත් ජාතික පක්ෂය අතහැර රජයට එකතුවෙයි කියලා. මා කවදාවත් එහෙම යන්නේ නැහැ. හැමදෙනාම දැන් කටකතා පතුරවලා තිබෙනවා මා පක්ෂය හැර යනවා කියලා. ඒ කටකතා සම්පූර්ණ බොරු. මානසිකත්වය බිඳ වට්ටන්න සැලසුම් සහගත මඩ ප්‍රචාරයක් මේ කරගෙන යන්නේ. හරින් ප්‍රනාන්දු ආණ්ඩුවට යනවා ලබන 9දා . ඒ යන්නේ පොදු විපක්ෂය හදන ආණ්ඩුවටයි. මා සියලු වරප්‍රසාද තනතුරු අතහැර දමා කැපවීම් කළේ ඒ නව රජය ගොඩනගන්නයි.
පෙරහරේ කසකාරයා හැටියට ආපු මා අද එක්සත් ජාතික පක්ෂයේ හොඳ ස්ථාවරයක ඉන්නවා. පක්ෂය මට හොඳට සලකලා තිබෙනවා. මුදලට වරප්‍රසාද තනතුරුවලට දේපළවලට කිසිදිනක මා යට වෙන්නේ නැහැ. එක්සත් ජාතික පක්ෂය අතහැර යන්නෙත් නැහැ.
අවුරුදු 35ක් වැනි කෙටි කාලයක් තුළදී එක්සත් ජාතික පක්ෂයේ නියෝජ්‍ය ජාතික සංවිධායක තනතුරට මට එන්න වාසනාව ලැබුණා. ඒ ගෞරවය බදුල්ල දිස්ත්‍රික්කයේ මගේ ජනතාවට හිමිවිය යුතුයි.මා සමග එකට සිටි ඌව පළාත් සභාවේ තිස්ස කුට්ටිආරච්චි පිල් මාරු කළා. ඔහු දෙන අත සපා කෑ අයෙක්.
මෙය කටවුට් ගහන පෝස්ටර් ගහන මැතිවරණයක් නොවෙයි. ජනතාවගේ හදවතින්ම වෙනස් කරන මැතිවරණයක් මේක. පෝස්ටර් කටවුට් ගහන්න ගහන්න ජනතාවට තුළ විශාල වෛරයක් ඇති වෙනවා."
- ada
