ඔහු මේ බව පවසා සිටියේ රටේ ව්‍යවස්ථාව සහ ජනාධිපතිවරණ සම්බන්ධ නීති කරුණු සාකච්ඡා කිරීම සඳහා ඊයේ (25) කැඳවා තිබුණු විශේෂ මාධ්‍ය සාකච්ඡාවේ අදහස් දක්වමිනි.

වැඩිදුරටත් අදහස් දක්වමින් ඒ මහතා මෙසේද පැවැසීය.

මහින්ද රාජපක්‍ෂ මහතාගේ මෙම ප‍්‍රතිපත්ති ප‍්‍රකාශය ප‍්‍රතිපත්ති ඉදිරිපත් කිරීමක් නොව පාපොච්චාරණයකි.

උදාහරණය ලෙස 18 වැනි පිටුවේ මෙසේ සඳහන් ය. ‘‘සංවර්ධන ක‍්‍රියාවලිය ප‍්‍රසාරණය වීම සම`ග යහපාලනය පිළිබඳව නව මානයකින් සලකා බැලීමට අපට සිදුවී තිබේ. එම නිසා යහපාලනය ල`ගාකරගැනීමේ අරමුණින් පිහිටුවා ඇති ආයතන වල පවතින දුර්වලතා අධ්‍යයනය කොට එම ආයතන ප‍්‍රතිසංස්කරණය කිරීමට කාලය එළඹ ඇතැයි අපි විශ්වාස කරමු’’ යැයි සඳහන්ය. දෙයියෝ සාක්කි! අවුරුදු 10ක ඉඳලා යුද්ධයෙන් පසු අවුරුදු 5 ක් ඉඳලා තමයි එහෙම කියන්නේ.

මේ ප‍්‍රතිපත්ති ප‍්‍රකාශයේ මතට තිත ගැනත් කියනවා. අයි.පී.එස්. හා මත්ද්‍රව්‍ය නාශක ආයතනයේ වාර්තා අනුව 2009 සිට 2013 තෙක් රටේ මධ්‍යසාර භාවිත වීම සියයට 184 කින් නැගලා. කුඩු භාවිතය 2009-2013 දක්වා කාලය තුල 44% කින් වැඩිවෙලා. මෙහෙම වෙන්නේ ඇයි? රටට එතනෝල් හා කුඩු ගෙන්වන්නේ ඇමතිවරුන් හා මන්ත‍්‍රීවරුන්.

මෛත‍්‍රී ප‍්‍රතිපත්ති ප‍්‍රකාශනය ක්ෂේත්‍ර 11ක් ඔස්සේ හොඳ න්‍යායාත්මක පදනමක පිහිටා ඉදිරිපත් කොට තිබෙනවා. එහි ඕනෑම කාරණයක් පිළිබඳව විවෘත විවාදයකට අපි සූදානම්. අපි අභියෝග කරන බව ශිරාල් ලක්තිලක පවසයි.