වැඩිදුරටත් අදහස් දක්වමින් ඒ මහතා මෙසේද පැවැසීය.
මට බොහෝදෙනෙක් චෝදනා එල්ල කරා කොළඹ වටේ මහින්ද රාජපක්ෂගේ පෝස්ටර් කටවුට් තියනවා කියල. ඒවගෙන් අපිට ගොඩක් සල්ලි හම්බ උනා. මම ඒ වෙලාවෙ අපේ අනාගත ජනාධිපති මෛත්‍රී සිරිසේන මැතිතුමාට කිව්වෙ අපිට පෝස්ටර් කටවුට් ඕන නෑ. අපේ හදවත්වල හැමදාම ඔබතුමා ජීවත් වෙනවා කියල.
එදා 94 පොදු පෙරමුණ ආණ්ඩුව හැදුවෙ අශ්රොෆ් ඇතුළු මුස්ලිම් මන්ත්‍රීවරු පස් දෙනෙක් එකතු කරගෙන. මම තමයි එදා අශ්රොෆ්ව එක්කන් එන්න කටුනායකට ගියෙ.
අවුරුදු 17ක් විපක්ෂයේ හිටපු ශ්‍රී ලංකා නිදහස් පක්ෂ ආණ්ඩුවක් හැදුවෙ මුස්ලිම් ජනතාවගේ උදව්වවෙනුයි. ඒ වගේම 2005දිත් නැගෙනහිරින් මුස්ලිම් ඡන්ද ලක්ෂයක් විතරත් දකුණින් ඡන්ද පනස්දහසක් විතර දීල මහින්ද රාජපක්ෂව දිනෙව්වෙත් මුස්ලිම් ජනතාවයි.
අපි උතුරෙ යුද්ධෙනුත් බැට කෑව. එත් අපි ප්‍රභාකරන් එක්ක එකතු උනේ නෑ. මුස්ලිම් ජනතාවත් ප්‍රභාකරන් එක්ක එකතු උනනානම් ඉතිහාසය වෙනස් වෙන්න තිබුනා.අද හැමෝම මෛත්‍රී මැතිතුමා වෙනුවෙන් එකතු වෙලා ඉවරයි. එතුමා දහවෙනිදට අනිවාර්යයෙන් ජනාධිපති වෙනවා වගේම අපේ පක්ෂ නායක රනිල් වික්‍රමසිංහ මහත්තයා අගමැති ලෙස දිවුරුම් දෙන එක ඒකාන්තයි.
අපිට අවශ්‍ය නිදහසේ ජීවත්වෙමින් අපේ ව්‍යාපාර කටයුතුවල යෙදෙන්න. අපි විශ්වාස කරන ආගම අදහන්න. ඒ වගකීම අපි අනාගත රජයටත් බාරදෙනවා. කොළඹ ජනතාව හැටියට පොළොන්නරුවට වඩා එක ඡන්දයක් හරි වැඩිපුර ඡන්දය දෙමින් අපි මෛත්‍රී මැතිතුමා කරපු පරිත්‍යාගය ඉතිහාසයේ නොමැකෙන ලෙස සටහන් කිරීමට සහාය දෙනවා.
