මෙහි පළමු පියවර නියෝජ්‍ය අමාත්‍ය ෆයිසර් මුස්තාපා විසින් තබනු ඇතැයි දැන ගැනීමට තිබේ. පසුගියදා ඔහු සිය පවුල පිටින්ම රාජපක්ෂවරුන්ගෙන් බේරීම සඳහා සිංගප්පූරුව බලා පිටත් වූ නමුත් රාජපක්ෂලාගේ නියෝජිතයන් සිංගප්පුරුවටද ඔහුව සොයා පැමිණීම නිසා යාබද තවත් රටකට රහසේම ගොස් ඇති බව ඔහුට සමීප ආරංචි මාර්ග සඳහන් කරයි. කෙසේ නමුත් හෙට දිනයේදී ඔහු මෙරටට පැමිණීම මාධ්‍ය සාකච්ඡාවක් පවත්වා තමන්ගේ සහය මෛත්‍රීපල සිරිසේන මහතාට බව ප්‍රකාශ කිරීමට නියමිත බවඩ එම ආරංචි මාරග සඳහන් කරයි.
එමෙන්ම පාර්ලිමේන්තු මන්ත්‍රී අචල ජයගොඩ, ලසන්ත අලගියවන්න උපේක්ෂා ස්වර්ණමාලී හා දුලිප් විජේසේකර ද ඉදිරියේදී මෛත්‍රීපාල සිරිසේන මහතාට සහය දැක්වීම සඳහ සූදානමින් පසුවන බවද දැන ගැනීමට ඇත. ඒ සම්බන්ධයෙන් මේවන විට සකච්ඡාවට කිහිපයක්ම සාර්ථකව අවසන් කර තිබේ. මේ අතර සුදර්ෂණී ප්‍රනාන්දුපුල්ලේ මන්ත්‍රීවරියද මේ සම්බන්ධයෙන් තවමත් දෙගිඩියාවක පසුවන බවත් ඇයගේ සමීපතමයක් පවසයි. මර්වින් සිල්වා මහතාද මේවන විට සිටින්නේ රාජපක්ෂවරුන්ට සහය දෙන ප්‍රතිපත්තියක නොවේ.
මේ අනුව් ගම්පහ දිස්ත්‍රික්කය බරපතල දේශපාලන නායයාමකට හසුවීමට නියමිතය. මීට පෙර ගම්පහ වසන්ත සේනානායක මහතා විපක්ෂයට එක්විය.
එමෙන්ම ලැබෙන අලුත්ම ආරංචි මාර්ග සඳහන් කරන්නේ ජනමාධ්‍ය ඇමැති කෙහෙළිය රඹුක්වැල්ල මහතාද කරණමක් ගැසීමට සූදානමින් පසුවන බවය. මීට අමතරව ජේෂ්ඨ ඇමැතිධූර හොබවන ඇමැතිවරු කිහිපදෙනෙකුම ආණ්ඩුවෙන් ඉවත් වීමත් එළඹෙන සතියේදී සිදුවනු ඇතැයි විපක්ෂ ආරංචි මාර්ග සඳහන් කරයි.
මේ අතර පරාජයෙන් බේරීම සඳහා රාජපෂක පාර්ශ්වය විපක්ෂයේ ජනාධිපතිවරණ අපේක්ෂකයා හා ඔහුට සහය දෙන ජනනායකයන් ඉලක්ක කර විශාල මඩ ප්‍රහාර එල්ල කරමින් සිටියද ඒ කිසිවක් සන්ධාන පාක්ෂිකයන්වත් විශ්වාස නොකරන බව ශ්‍රීලනීපයේම ප්‍රබලයන් ඊයේ රාජපක්ෂවරු හා සාකච්ඡාකර තිබෙන බව දැන ගැනීමට තිබේ.
විශේෂයෙන්ම විමල් වීරවංශ විසින් ගෙන යන මඩ ප්‍රහාරයන් ආපිට කැරකී ඇති බවද එම පිරිස පෙන්වා දී ඇති නමුත් මේ වන විට බරපතල මානසික ව්‍යාකූලත්වයකින් පෙලෙන මහින්ද රාජපක්ෂ මහතා එම පිරිසට බැන වැදී ඇතිතේ වෙන කරන්න දෙයක් තියෙනවනම් කරල පෙන්වන ලෙසය. අන්තිම තුරුම්පුව අවසන් දින දෙකෙදී ගහන බවත් ඔහු අවධාරණය කර තිබේ.
ඒ සම්බන්ධ යම් තොරතුරු ප්‍රමාණයක් අපවෙත ලැබී ඇති අතර ඒ තහවුරු වූ විගස හෙළි කරමු.
