මම ගියා කිලිනොච්චියට ගිය අවස්ථාවේ ඒ ප‍්‍රදේශයේ ජනතාව මාව හමු වෙලා කියනවා.අපි ටී.එන්.ඒ. එකට ඡන්දේ දුන්නා. හැබැයි ජනාධිපතිතුමනි අපිට කිසි වැඩක් කරන්නේ නැහැ. දැන් අපිට සලකන්නේ නැහැ කියලා. ඒක නිසා දැන් ඔබතුමා අපි ගැන බලන්න කිව්වා.මම තොණ්ඩමන් ඇමැතිතුමාට කිව්වා මෙහේ විතරක් නෙවෙයි වවුනියාවේ ඉන්න කිලිනොච්චියේ ඉන්න මුලතිව්වල ඉන්න ජනතාව ගැනත් සොයා බලන්න කියලා ඔහුට වගකීමක් දුන්නා යනුවෙන් පැවසුවේය.
තමන් සමග තරග කිරීමට විපක්‍ෂයේ පොදු අපේක්‍ෂකයා ලෙස ඉදිරිපත්ව සිටින මෛතී‍්‍රපාල සිරිසේන මහතා පිළිබදවද ජනාධිපතිවරයා මෙහිදී අදහස් දැක්වුවා.
'තරග කරන්න කවුරුවත් සොයා ගන්න බැරිව අන්තිමට අපේ පැත්තේ හිටිය මුනාසික් කෙනෙක් තමයි ඒ පැත්තට ගිහිල්ලා දාගත්තේ. එයා මාත් එක්ක ආප්ප කාලා එකොළහ හමාරට,උදේ ආප්පේ දිරවන්නත් කලින් ගිහිල්ලා. ඉතින් එයා තමයි අනිත් පැත්තෙන් ඉල්ලන්නේ. අපි ආණ්ඩුවෙන් හොඳ වුණත් නරක වුණත් අපි ඔක්කොම වගකියන්න ඕන.මෙයා දැන් හිටපු ගමන් පැනලා ගිහින් සුදනා වෙන්න හදනවා. දැන් අපි විතරයි වැරදි කරලා තියෙන්නේ.එයා හොඳයි.එයා කරපු වැරදිත් අපි කරපු වැරදිත්. එදා කරපු වැරදිවලටත් බැනුම් අහන්නේ අපි තමයි.දැන් ඒක තමයි වෙලා තියෙන්නේ.'
