වැඩිදුර කරුණු දැක්වීම රජයේ වෛද්‍ය නිලධාරීන්ගේ සංගමයේ මාධ්‍ය ප‍්‍රකාශක වෛද්‍ය නවීන් ද සොයිසා මහතා පවසන්නේ මේ වන විට පවතින ගංවතුර තත්ත්වය හේතුවෙන් මළ ද්‍රව්‍ය සහ අනෙකුත් විෂ ද්‍රව්‍ය පානීය ජලයට මුසු වී තිබිය හැකියාවක් තිබෙන නිසා පාචනය තත්ත්වයක් ඇතිවීමේ අවදානමක් පවතින බවයි. එම නිසා උණුකර නිවාගත් ජලය පානය සඳහා භාවිත කරන ලෙස ජනතාවගෙන් ඉල්ලා සිටියි.මේ සඳහා රට පුරා වෛද්‍යවරුන් මේ වන විට ජනතාව දැනුවත් කිරීමේ නිරත වෙමින් සිටින අතර එසේම සියලූම මහජන සෞඛ්‍ය වෛද්‍යවරුන් සියලූ දෙනාගෙන් ඉල්ලීමක් කර අැත්තේ උපකාර අවශ්‍ය ප‍්‍රදේශවල අදාළ ජනතාවට අවශ්‍ය සනීපාරක්ෂක කටයුතු සහ පිරිසිදු පානීය ජලය ලබාදීමට අවශ්‍ය පියවර ගැනීමට උපකාරී වන ලෙසය.

මේ දිනවල පවතින සීතල කාලගුණයද ඇතැම් අයට සෞඛ්‍ය තර්ජනයක් බව මෙහිදී පැහැදිලි කෙරුණි.


දෙසැම්බර්, ජනවාරි මාසවල සමාන්‍යයෙන් පවතින සීතල කාලගුණ තත්ත්වයමේ වන විට ඊට වඩා වැඩි සීතල තත්ත්වයක් බවට පත්ව තිබේ. එහිදී විශේෂයෙන්ම වැඩිමහල් ජනතාව සම්බන්ධයෙන් විශේෂයෙන් අවධානය යොමු කළ යුතු වේ. ඊට හේතුව ඔවුන්ට දරාගත නොහැකි සීතල තත්ත්වයන් ඇති විය හැකි වීමයි. ඒ සම්බන්ධයෙන් ජනතාව දැනුවත්වීමත් ඔවුන්ට අවශ්‍ය කරන ආරක්ෂිත තත්ත්වයන් සපයාදීමත් සම්බන්ධයෙන් සැලකිලිමත් විය යුතු බව ද වෛද්‍යවරයා පවසා සිටියේය.