මහින්ද රාජපක‍ෂ ආණඩුව නිසි මගට යොමුකිරීම උදෙසා තමන් විසින් ආණ්ඩුව තුළ සිටම අනේක විධ අරගලයන් ගෙන ගිය බවත් ඒ ඒ අවස්ථාවන්වලදී වාචිකව හා ලිඛිතව තමන් ඒ අදහස් ආණ්ඩුව වෙත ඉදිරිපත් කළ බවත් පාඨලී චම්පික රණවක මහතා පෙන්වා දෙයි. එහෙත් ආණ්ඩුව ඒවා තුට්ටුවකට හෝ නොසලකා දූෂිත ජාවාරම්කරුවන්ට ජනතාවගේ වරම පාවාදුන් නිසා තමන් ප්‍රමුඛ ජාතික හෙළ උරුමය ආණ්ඩුවෙන් එළියට ආ බව චම්පික රණවක මහතා පෙන්වා දෙයි. අදවන විට ජනාධිපතිතුමා ප්‍රකාශ කර ඇත්තේ තමන් වෙත කිසිඳු අවස්ථාවක කිසිඳු කැබිනට් අමාත්‍යවරයෙකු රටේ උද්ගතවූ ගැටඵ සම්බන්ධයෙන් දැනුවත් නොකළ බවයි.
තමන් විසින් ලිඛිතව ජනාධිපතිතුමාගේ අවධානය වෙත ඉදිරිපත් කළ ප්‍රධාන ලිපි 13 ක් ලෙස - යෝජිත ත්‍රිකුණාමලයේ ගල් අගුරු බලාගාරය, බලශක්ති මිළ ගණන් සංශෝධනය විදුලි ජනනය පිළිබඳව උදාවී ඇති හදිසි තත්ත්වයට මුහුණ දීම, විදුලි බල ෙක‍ෂ්ත්‍රයේ අනාගතය වෙනුවෙන් ගතයුතු පියවර, සාම්පූර් බලාගාර ගිවිසුම, බලශක්ති ක්ෂේත්‍රයේ මූල්‍ය අරබුධය ජයගැනීම බලශක්ති ක්ෂේත්‍රයේ අභියෝග හා දිගු කාලීන සැලසුම්, විදුලි ගාස්තු සංශෝධනය කිරීම 1 හා 2 ක්‍රමෝපායික පනත යටතේ වූ ගැසට් නිවේදනවලට එරෙහිව ඡන්දය දීමට තීරණය කිරීම මූලික කරගත් ලිපි මෙහි අන්තර්ගත වේ.
එම ලිපි චම්පික රණවක මහතාගේ නිළ වෙබ් අඩවිය වන www.champikaranawaka.net ඔස්සේ හෝ patali.champika නිල ෆේස්බුක් අඩවියෙන් බාගත කරගත හැකිය.
