පසුගිය 16 වන දින එජාප මන්ත්‍රී සුජීව සේනාසිංහ මහතාගේ ප්‍රධානත්වයෙන් පැවැති මාධ්‍ය සාකච්ඡාව සහභාගී වීම මහින්ද රාජපක්ෂට සහයෝගය පල කිරීමත් ඊට පෙර හිටපු පලාත් සභා මන්ත්‍රී නීතිඥ කීර්ති උඩවත්ත මහතා හමුවී තමා විසින් මාධ්‍ය සාකච්ඡාවේදී ප්‍රකාශ කළ යුත්තේ කුමක්ද යන්න ඔහු ලවා ලියාවා ගැනීම රහසේ වීඩියෝ ගත කිරීමත් ගෝඨාභය රාජපක්ෂ ගේ උපදෙස් මත සිදුව තිබේ.
මේ වන විට ගෝඨාභය රජපක්ෂ විසින් මෙම නාගරික මන්ත්‍රීවරයාට පොලිස් නිලධාරීන් තිදෙනෙකුගේ හා සිවිල් පුද්ගලයන් දෙදෙනකුගේ ආරක්ෂාව ලබා දී තිබේ. මෙම සිවිල් පුද්ගලයන් දෙදෙනා නම ගිය මැරයන් දෙදෙනෙකි.
එමෙන්ම ඉදිරිදින කිහිපයේදී මෙම නාගරික මන්ත්‍රීවරයා ලවා තවත් මාධ්‍ය සන්දර්ශනයක් පැවැත්වීමටද සූදානම් වෙමින් තිබෙන බවත් දැන ගැනීමට ඇත. එහිදී එක්සත් ජාතික පක්ෂයෙන් තමන්ට ආරක්ෂාව සඳහා පිස්තෝලයක් ලබාදුන් බව පෙන්වා මෛත්‍රීපාල සිරිසේන මහතාගේ යහපාලනය මෙයැයි පැවැසීමට සැලසුම් කර තිබේ.
මෙම හෙළිදරව්වෙන් පසුව ඒ සිදු නොවීමට ඉඩ ඇතත් මෙම නාගරික මන්ත්‍රීවරයා විසින් මෙම කරුණු හෙළිකර ඇත්තේ පසුගියදා හිතවතුන් කිහිප දෙනෙකු හා කටමැත දෙඩවීමකදීය.
