කෙසේ නමුත් පසුගිය සති කිහිපය තුළ දෙමළ ජාතික සන්ධානය, මහින්ද රාජපක්ෂ හා මෛත්‍රීපාල සිරිසේන දෙපාර්ශ්වය සමඟ සාකච්ඡා පැවැත් වීය. රාජපක්ෂ මහතාට සහය ලබා දීම සඳහා විදෙස් ගත එල්ටීටීඊ ඩයස්පෝරාවද ඊට මැදිහත්ව සිටි බව වාර්තා විය. මේ සම්බන්ධයෙන් පසුගියදා රනිල් වික්‍රමසිංහ මහතා ජනාධිපතිවරයාට අභියෝග කරමින් පැවැසුවේ අමෙරිකාවේදී ජනාධිපතිවරයා එල්ටීටීඊ ඩයස්පෝරා සාමාජිකයන් හමුවූ බවත් හැකිනම් එය බොරුවන් බව පවසන ලෙසය. ඒහෙත් මේ දක්වා ජනාධිපතිවරයා ඒ සම්බන්ධයෙන් මුනිවත රකී.
කෙසේ නමුත් විපක්ෂ ආරංචි මාර්ග පවසන්නේ දෙමළ ජාතික සන්ධනයේ සහය මෛත්‍රීපාල සිරිසේන මහතාට හිමිවනු ඇති බවය. විධායක ජනාධිපතිධුරය අහෝසිකර යහපාලනය හා ප්‍රජාතන්ත්‍රවාදය දිනා ගැනීම දෙමළ ජාතික සන්ධානයේද ප්‍රමුඛ දෙශපාලන වුවමනාවක් බව ඔවුන් පෙන්වා දෙයි.
