වැටුප් ගැටළු වලට සාධාරණ විසඳුමක් ලබා දෙන ලෙස බල කරමින් පරිපූරක අතුරු වෛද්‍ය වෘත්තීමය සේවාවන්ගේ බළ මණ්ඩලය ඊයේ (30) පෙරවරු අටේ සිට සංකේත වැඩ වර්ජනයක් ආරම්භ ක‍ළේය. එය අද පෙරවරු අට දක්වා ක‍්‍රියාත්මක වුණි. පිළිගත හැකි විසදුමක් නොලැබුණහොත් ලබන සිකුරාදා සිට අඛණ්ඩ වැඩවර්ජනයක් දියත්කරන බව වර්ජනයේ නිරත සෞඛ්‍ය වෘත්තිකයින් ප‍්‍රකාශ කලේය.
කෙසේ වෙතත් රෝගීන් අපහසුතාවට ලක් නොවන ලෙස කටයුතු කරන්නැයි සෞඛ්‍ය අමාත්‍යාංශය වර්ජකයින්ගෙන් ඉල්ලීමක් ද කර ඇත.
මේ අතර රජයේ හෙද නිළධාරීන්ගේ සංගමය ද ජනවාරි මස දෙවනදා සිට වැඩ වර්ජනයකට අවතීර්ණවීමට සූදානම් වේ. වෛද්‍යවරුන්ට සහ විශේෂඥ වෛද්‍යවරුන්ට දීමනා රුපියල් පහළොස් දහසේ සිට රුපියල් තිස් පන් දහස දක්වා ඉහළ දමන්නේ නම් හෙද හෙදියන්ගේ ද දීමනා ඉහළ දැමිය යුතු බව රජයේ හෙද නිළධාරීන්ගේ සංගමය රජයෙන් ඉල්ලා සිටියි.
