යතුරුපැදි 15 කින් පමණ පැමිණි පිරිසක් ජයසිරි මහතාගේ නිවසේ භාණ්ඩ වලට මෙන්ම ලියකියවිලි වලට හානි සිදුකොට පොදු අපේක්ෂක මෛත්‍රීපාල සිරිසේන මහතාගේ පින්තුරවලටද හානිසිදු කර ඇත.
එමෙන්ම යතුරුපැදි 4 කට හා කාර්යාලයීය උපකරණවලටද ප්‍රහාරකයන් හානි සිදුකොට වෙඩි කීපයක්ද තබා පළා ගොස් තිබේ. ප්‍රහාරයෙන් විමල් ජයසිරි මහතාගේ බිරිඳ වන ප්‍රියංකා කරුණාතිලක මහත්මියද සුළුතුවාල ලබා ඇති අතර මේ සම්බන්ධයෙන් බෙලිඅත්ත පොලිසියට සිදුකොට ඇති පැමිණිල්ලකට අනුව බෙලිඅත්ත පොලිසිය පරීක්ෂණ මෙහෙයවයි.
ප්‍රහාරය සම්බන්ධයෙන් අදහස් දැක්වූ විමල් ජයසිරි මහතා.
"මම මගේ ආධාර කරුවන් කීපදෙනෙකු සමග මගේ නිවසේ රැඳී සිටිනවිට දම්මුල්ල දෙස සිට පැමිණිය කරබකටියේ වයින් ස්ටෝස් එකේ හිච්චා සහ දික්වැල්ලේ ගෙදර බේබි කියන අය සමග කණ්ඩායමක් තුවක්කු සහිතව ඇවිල්ලා මගේ ආධාර කරුවන්ට පහරදීලා බඩු මුට්ටු පොඩිකරලා මට අලාබ හානි සිදුකොට උඩට වෙඩි තියලා හෙට එළිවෙන්න ඉස්සරවෙලා සියලුදෙනාම මරන බවට මරණිය තර්ජනය කරලා අපි නිරායුධව ඉන්න පිරිසක් හැටියට ගේ ඇතුළට වෙලා ඉන්නකොට දොරකඩන්න හදලා -එතකොට මම දොරවහගෙන විදුරු ජනේලයෙන් බලන් හිටියා සියලු සිද්ධීන් . මිට පෙරත් මෙවැනි සිද්දියක් වුණා. මම ඒ සම්බන්ධව පොලිසියට පැමිණිලි කරලා තියෙනවා ඒ පුද්ගලයාම මිට පෙරත් ටී 56 ගිනි අවියක් අරන් ඇවිත් ගේට්ටුව ගාවට ඇවිත් උඩට වෙඩි තියලා මරණිය තර්ජනය කරලා ගියා. නමුත් කිසිම රාජකාරියක් ඉටු වුණේ නෑ ඔවුන් නිදැල්ලේ හැසිරෙමින් ඉඳලා තමයි අපට අදත් මේ සිද්ධියට මුහුණ පාන්න උනේ."
ඡායා රූ - රාහුල් සමන්ත
adaderana
