උපදින්නට සිටින දරුවාගේ සිට මිය යන පුද්ගලයා දක්වා වත්මන් රජය නව ආර්ථික ක‍්‍රමවේදයක් සකසා ඇති බවද ඔහු පෙන්වා දුන්නේය. මහින්ද රාජපක්ෂ මහතා මේ බව සඳහන් කළේ දෙහිඅත්තකණ්ඩිය ප‍්‍රදේශයේ පැවති එක්සත් ජනතා නිදහස් සන්ධානයේ ජනාධිපතිවරණ විජයග‍්‍රාහී ජන රැලියට එක් වෙමිනි.
යුද්ධය ජයග‍්‍රහණය කර එක්සේසත් කළ රට යළි බෙදන්නට ඉඩ නොදෙන ලෙසද මහින්ද රාජපක්ෂ මහතා මෙහිදී මහජනතාවගෙන් ඉල්ලා සිටියේය.
මේ අතර ජනාධිපති මහින්ද රාජපක්ෂ මහතා ඊයේ පස්වරුවේ ඓතිහාසික මහනුවර නගරයේ පැවති විජයග‍්‍රාහී ජන රැලි කිහිපයකටද එක් වූයේය. 1815 දී කන්ද උඩරට ගිවිසුම තුළින් අධිරාජ්‍යවාදීන්ට රට පාවාදීමට සිදු කළ කුමන්ත‍්‍රණයට සමාන කුමන්ත‍්‍රණයක් 2015 වසරේදීද අධිරාජ්‍යවාදීන්ගේ මෙහෙයවීමෙන් යළිත් මෙරට තුළ කි‍්‍රයාත්මක වන බව ජනාධිපතිවරයා කන්ද උඩරටදී අවධාරණය ක‍ළේය.
රටේ ඉදිරි ගමන වැළැක්වීමට කෙරෙන මෙම කුමන්ත‍්‍රණය පරාජය කිරීමට එක්වීම රටට ආදරය කරන සියළු ජනතාවගේ යුතුකමක් හා වගකීමක් බවද ඔහු එහිදී පෙන්වා දුන්නේය.
