මේ සම්බන්ධයෙන් ව්‍යාපාරිකයන් කිහිප දෙනෙකුම යොදවා සජිත් ප්‍රේමදාසගෙන් කැමැත්ත ලබා ගැනීමට උත්සායන් කිහිපයක්ම ගනු ලැබුවද ඒ ප්‍රේමදාස මහතා විසින් ප්‍රතික්ෂේප කර ඇතැයි ඔහුට සමීප ආරංචි මාරග සඳහන් කළේය.
මෙම උත්සහය පිළිබඳව අප විසින් මීට දින කිහිපයකට පෙර හෙළි කරනු ලැබුවේය. පෙරේදා දිනයේදී සජිත් ප්‍රේමදාස මහතා ආණ්ඩුවට එක්වනු ඇතයි රෙජීමය දැඩි ලෙස බලාපොරොත්තු වූ අතර ඒ සඳහා ප්‍රචාරයක්ද දියත් කරනු ලැබුවේය.
මේ සම්බන්ධයෙන් ඊයේ (03)බෙලිඅත්ත ප්‍රදේශයේ පැවැති ජන හමුවකදීද ප්‍රේමදාස මහතා යම් හෙළිදරව්වක් කරනු ලැබීය.
"ආණ්ඩුවේ මැතිවරණ ව්‍යාපාරයේ ලොකුම විහිලුව තමන් අගමැතිකම ගැනීම සඳහා ආණ්ඩුවට එක්වෙන බව ප්‍රකාශ කිරීම .මැතිවරණ ප්‍රචාරක වැඩකටයුතු වල දැන් අලුත්ම තුරුම්පුව මොකක්ද? අලුත්ම තුරුම්පුව තමයි සජිත් ප්‍රේමදාස යනවලු අගමැතිකම ගන්න ආණ්ඩුවට. මේක තමයි මේ සියවසේ ලොකුම විහිලුව. ඒ නින්දිත ප්‍රචාරය අද එස්.එම්.එස්. හරහා, ෆේස් බුක් හරහා, ට්විටර් හරහා අන්තර්ජාලය හරහා රට පුරාවටම යවනවා. මම එකක් කියන්න කැමතියි, රට පරිහානියට ලක්කරන මේ වර්තමාන රජයේ කප්පිත්තන්ට, මොහොතකට හිතෙනවද පක්ෂය වෙනුවෙන් දිවිපිදූ තාත්තගේ ආත්මය පාවාදීලා මේ සජිත් පුතා යූඇන්පිය දමලා යයි කියලා." යැයි ඔහු වැඩිදරටත් පැවැසීය.
සබැදි පුවත්
