මේ වන විටත් විවිධ දූෂිත ක්‍රියාවන් හා තක්කඩිකම්වල නියැලුන පුද්ගලයන් රාජ්‍ය පාලනයේ මර්මස්ථාන අත්පත් කර ගැනීමේ උත්සහයක නිරතව සිටින බව වාර්තාවේ.
මේ තත්වය ඊයේ සිටම දකින්නට ලැබිණි. පැවැති පාලනයෙන් කිසිවක් කර කියා ගන්න නොහැකි වූවන් පෞද්ගලික අභිමතාර්ථයන් ඉෂ්ඨ කර ගැනීම සඳහා අලුත් ආණ්ඩුවේ අලුත් මිතුරන් ලෙස ඊට ලංවීමට ගන්න උත්සාහය පරාජය නොකළ හොත් ඒ රාජපක්ෂ පවුල් පාලනයට වඩා වෙනස් වන්නේ නැත. මේ වන විට ඇමැතිකම් ලබා ගැනීම සඳහා රාජපක්ෂ රැක ගැනීමට අවසන් මොහොත දක්වාම පෙනී සිටිවුන්ද පොරකමින් සිටින බවත් වාර්තාවේ.
මේ අතර ජේෂ්ඨ පුවත්පත් කළාවේදී සුන්දර නිහතමානිද මැල් ප්‍රධාන කර්තෘවරයා ලෙස කටයුතු කල සිළුමිණ පුවත්පතේ කටයුතු වලින් ඔහුව ඉවත්කර තබා එහි වගකීම එම පුවත්පතේ නියෝජ්‍ය කර්තෘ වරයකු ලෙස කටයුතු කළ පාලිත ධර්මරත්නට ලබාදීමට ලේක්හවුස් පරිපාලනය තීන්දු කර තිබේ. පසුගියදා ජනාධිපතිවරණය වෙනුවෙන් සිළුමිණ පුවත් පතෙහි අතිරේකයක් ලෙස නිකුත් කළ "චෞර රජින" සංස්කරණය කළේද මෙම පාලිත ධර්මරත්න නැමැති රාජපක්ෂවාදියාය.
ඊයේ පැවැති මෛත්‍රීපාල සිරිසේන ජනාධිපතිවරයාගේ දිවුරුම් දීමේ උත්සවයටද මේ තක්කඩීන් ගනනවක් සහභාගී වී සිටිනු දකින්නට ලැබිණි. ඇතැමුන් ජනාධිපතිවරණයේදී රාජපක්ෂ වෙනුවෙන් කෝටි ගනනක් වියදම් කළ ව්‍යාපාරිකයන්ය..ඒ අතර බැසිල් රාජපක්ෂගේ මඩ ෆේස්බුක් ව්‍යාපෘතිය වෙනුවෙන් වියදම් කළ ව්‍යාපාරිකයකුත් සිටිනවා දකින්නට ලැබිණි.
