පසුගිය ජනාධිපතිවරණයේදී ශ්‍රී ලංකා ටෙලිකොම් ආයතයේ කෝටි ගනනක මුදල් මහින්ද රාජපක්ෂගේ මැතිවරණ ව්‍යාපාරය වෙනුවෙන් වැය කළ ලලිත් ද සිල්වා සිය හිත මිතුරන් මාර්ගයෙන් ජනාධිපතිවරයාට පණිවිඩ යවමින් තමන් රහසිගතව මෛත්‍රීපාල සිරිසේන මහතාගේ ජයග්‍රහණය වෙනුවෙන් වෙහෙස වූ බව පවසා තිබේ.
මේවන විටත් සිය කාර්යාලයේ තිබු මහින්ද රාජපක්ෂගේ ඡායාරූප සියල්ලම ඉවත් කර මෛත්‍රීපාල සිරිසේන ජනාධිපතිවරයාගේ ඡායරූප රැසක් ටෙලිකොම් ආයතනය පුරා එල්ල තැබීම සිදු කර තිබේ.
ඒ කෙසේ නමුත් පසුගිය ජනාධිපතිවරනය වෙනුවෙන් මහින්ද රාජපක්ෂගේ ජයග්‍රහණය වෙනුවෙන් කැලැන්ඩර් ලක්ෂ 5 ක් . කුඩා ප්‍රමාණයේ ප්‍රකාශන ලක්ෂ 10ක් යනාදී වශයෙන් ප්‍රචාරක කටයුතු වෙනුවෙන් ටෙලිකොම් මුදල් වැය කළේය. එමෙන්ම කෝටි ගන්නක පුවත්පත් දැන්වීම් රසක්ද ටෙලිකොම් ආයතයේ මුදලින් පල කරනු ලැබීය.
එමෙන්ම බොදු බල සේනා ඇතුළු රාජපක්ෂගේ මඩ වෙබ් අඩවි පවත්වාගෙන යාම හා SMS වෙනුවෙන් මොබිටෙල් ආයතයේ තාක්ෂණික පහසුකම් නොමිලයේම සපයා දීමට ලලිත් ද සිල්වා මහතා කටයුතු කළේය.
SMS ව්‍යාපෘතිය වෙනුවෙන් මොබිටෙල් සමාගමේ වැ‍ටුප් ගෙවමින් තාක්ෂණික ශිල්පීන් 12 දෙනෙකුට මොහු විසින් වැ‍ටුප් ගෙවනු ලැබීය.
සියයට 53ක් කොටස් හිමි අර්ධ රාජ්‍ය සමාගමක් වන ටෙලිකොම් සමාගමෙන් ලක්ෂ 30ක පමණ මාසික ආදායකම් ලබන මේ දූෂිතයා මේවන විට මෛත්‍රීපාල සිරිසේන මහතගේ සිත් දිනාගෙන රැකියාව ආරක්ෂාකර ගැනීම වෙනුවෙන් මේ දිනවල කටයුතු කරමින් සිටී.
මේ තක්කඩියන්ව අප විසින් හෙළිදරව් කරන්නේ මෛත්‍රීපාලනය යනු හොර තක්කඩියන්ට සමාව දෙන යහතින් වැජඹෙන්නට ඉඩ දෙන තැනක් බවට පත්වෙමින් තිබෙන බවට පෙනීයාම හේතුවෙනි.
එමෙන්ම මෙවැනි දූෂිත පුද්ගලයන් මෛත්‍රීපාල සිරිසේන මහතාගේ දුර්වලකම පාවිච්චිකර තවදුරටත් තමතමන්ගේ තනතුරු ආරක්ෂා කර ගැනීමත් කළ වරදි වලට දඬුවම් විදීම මඟ හරවා ගැනීමටත් උත්සහ ගනිමින් සිටී. ඒ පරාජය කිරීම මාධ්‍යයේ වගකීමක් ලෙස අප කල්පනා කරමු.
