ඒ, සුළු වැරදි සහ දඩ මුදල් ගෙවා ගත නොහැකිව බන්ධනාගාරගතව සිටින සිරකරුවන් පිරිසක් නිදහස් කිරීමට ගත් තීරණය යි.මේ නිසා සුළු වැරදි සඳහා දඬුවම් ලබමින් සිටි පිරිසකට සහ වයස අවුරුදු 75ට වැඩි සිරකරුවන් පිරිසකට නිදහස හිමි වනු ඇත.
ඊට අමතරව, දඩ මුදල් ගෙවා ගැනීමට නොහැකිව බන්ධනාගාරගත වූවන් පිරිසක් ද අද දිනයේ නිදහස් කිරීමට නියමිත ය.
මෛත්‍රීපාල සිරිසේන මහතාගේ ජනපති පදවිප්‍රාප්තිය සහ ශුද්ධෝත්තම පියතුමන්ගේ ශ්‍රී ලංකා සංචාරය පදනම් කරගෙන මෙම පියවර ගත් බව අධිකරණ අමාත්‍ය විජයදාස රාජපක්ෂ මහතා ප්‍රකාශ කළේය.
මේ යටතේ වැලිකඩ බන්ධනාගාරයෙන් සිරකරුවන් 65 දෙනෙකු නිදහස ලබන බව බන්ධනාගාර දෙපාර්තමේන්තුව සඳහන් කළේය.
සෙසු බන්ධනාගාරවලින් ද සිරකරුවන් පිරිසක් නිදහස් කිරීමට නියමිත ය.
