ශ්රී ලංකා ටෙලිකොම් සහ මොබිටෙල් ආයතන තුළ මහින්ද වෙනුවෙන් ප‍්‍රසිද්ධියේ කටයුතු කළ දූෂිත නිලධාරියකු වන ප්රධාන විධායක නිළධාරි ලලිත් ද සිල්වා අද දින එම ආයතනයේ නිළධාරීන් කිහිප දෙනෙකු සමඟ පවසා ඇත්තේ ඉදිරි මාස දෙක ඇතුලත මෛත්‍රීපාලනය පෙරළා දමන බවත් එතෙක් තමන් කෙසේ හෝ නව ආණ්ඩුව සමඟ යාප්පුවෙන් සිටින බවත්ය.
ලංකාඩේලි වෙබ් අඩවිය විසින් කෙරුණු හෙළිදරව් කිරීම හේතුවෙන් ඔහුගේ තනතුර තව දුරටත් රැක ගැනීම අවධානමට ලක්ව තිබීම හේතුවෙන් මේ සම්බන්ධයෙන් කළ සාකච්ඡාවකදී ඔහු මේ බව පවසා ඇත.
එමෙන්ම පසුගියද රාජපක්ෂවරුන්ට හිතවත්ව පවත්වාගෙන ගිය පෞද්ගලික ගුවන් විදුලි ආයතන වූ දෙරණ හා හිරු ප්‍රධානීන් දෙදෙනකුද සිය ආයතන ප්‍රධානින් කිහිප දෙනෙකු හා පවසා ඇත්තේ ආණ්ඩුව ඉදිරි දින කිහිපයේදී පෙරලා දැමීමේ සැලසුමක් ඇති බවත් එම නිසා කිසිවකුත් කලබල විය යුතු නැති බවත්ය.
මේ අතර මෛත්‍රීපාල සිරිසේන ජනාධිපතිවරයා හා මහින්ද රාජපක්ෂ අතර එකඟතාවයක් ගොඩනැඟීමට ද ශ්රී ලනීප ප්‍රබලයන් පිරිසක් උත්සහ ගනිමින් සිටී. ඉදිරි මහ මැතිවරණයේදී නැවතත් ශ්‍රීලනීපය ප්‍රමුඛ ආණ්ඩුවක් සකසා ගැනීම ඔවුන්ගේ අරමුණ වී තිබේ. එහෙත් රාජපක්ෂ ඊට විරෝධය දක්වා ඇත්තේ තමන් නැවතත් රටේ ජනාධිපතිවීමෙන් හැර වෙනත් ක්‍රියාමාර්ග නොගන්නා බවය.
මේ තත්වය මත රනිල් වික්‍රමසිංහ මහතා රාජපක්ෂවරුන්ට එල්ලවී ඇති මහා පරිමාන දූෂන චෝදනාවලින් ආරක්ෂා කිරීමේ මෙහෙයුමක නිරතව සිටින බවත් දැන ගැනීමට ඇත. එමඟින් රාජපක්ෂවාදී පිළ හා මෛත්‍රීපිළ අතර එකඟ තාවයක් ඇති වීම වලක්වා, ශ්රී ලනීපය දුර්වල කිරීම ඔහුගේ දේශපාලන උපාය වී තිබේ. එසේ නොවුන හොත් අප්‍රේල් මාසයේදී පැවැත්වීමට නියමිත මහ මැතිවරණයෙන් එජාපයට වැඩි බලයක් ලබා රනිල් වික්‍රමසිංහ මහතාගේ අගමැතිධුරය යටතේ ආණ්ඩුවක් පිහි‍ටුවීමේ හැකියාව දුර්වල වීමට ඉඩ ඇත..
මේ හේතුවෙන් රාජපක්ෂවරු ආරක්ෂාවීම, සම්බන්ධයෙන් චම්පික රණවක. රාජිත සේනාරත්න ආදී නායකයන්ගේ විරෝධය එජාප නායකත්වය වෙතත්. ජනාධිපතිවරයා වෙතත් එල්ල වී තිබේ. චම්පික රණවක මහතා රාජපක්ෂවරුන්ගේ දූෂන සේවීම වෙනුවෙන් වෙනම මෙහෙයුමක් අරම්බ කළේද මේ හේතුවෙන් බව දැන ගැනීමට තිබේ.
ලලිත් ද සිල්වා ටෙලිකොම් අායතනය තුළ පැවැත්වූ රැස්වීමක අවස්ථාවක්
