මේවන විට ඊට අදාල චෝදනා 15 ඔවුන් විසින් ගොනු කර තිබේ. මෙහිදී මෙම හමුදා නිලධාරීන් විසින් හිටපු ජනාධිපතිවරයාට පක්ෂව ඡන්දය ප්‍රකාශ කරවීම සඳහා හමුදා සෙබළුන් හා නිලධාරීන් පෙළබවීම, මෛත්‍රීපාල සිරිසේන මහතා ජය ගතහොත් සිදු විය හැකි අයහපත් , අවාසීදායක ,ආදී හැඟීම් යනුවෙන් වැරදි හැඳීම් වක්‍ර ආකාරයෙන් එම සෙබළුන් හා නිලධාරීන් තුල ඇතිවන ආකාරයේ මනෝ විද්‍යාත්මක ක්‍රියාවලියක් සිදු කිරීම යනාදිය පදනම් කරගෙන මෙම චෝදනා පත්‍රය සකස් කර තිබේ.
ඒ අනුව මේජර් ජනරාල් ප්‍රසාද් සමරසිංහට එරෙහිව සමස්ථ යුධ හමුදාවේම අණ දෙන නිලධාරීන් හමුදා මුලස්ථානයට කැඳවා රාජපක්ෂවරුන්ගේ සේවය ඇගැයීමක් සිදුකර සංග්‍රහ කිරීමත් රාජපක්ෂවරුන්ගේ ජයග්‍රහණය සඳහා ක්‍රියා කළයුතු බවට පැවැසීම,
නව වසරේ සුභ පැතුම් ලෙස යුධ හමුදාපතිවරයා නිකුත් කළ පි‍ටු 5කින් යුතු දීර්ග ලේඛනය ජනාධිපතිවරණය ඉලක්ක කර නිකුත් කිරීම,
මූල්‍ය කලමනාකරණ ශාඛාවේ අධ්‍යක්ෂ ජනරාල් මෙජර් ජෙනරාල් ආර් වී උඩවත්ත ( ජෙනරාල් සරත් ෆොන්සේකාට එරෙහිව බොරු සාක්ෂි දුන් අයෙකි) හා ජනමාධ්‍ය අධ්‍යක්ෂක මණ්ඩලයේ බ්‍රිගෙඩියර් කේ. ජේ. ජයවීර විසින් රජයේ අයවැය යෝජනා ඇතුලත් පත්‍රිකාවක ජනාධිපතිවරණය වෙනුවෙන් මුද්‍රණය කර බෙදා හැරීම,
විදෙශ ගත සේවාවන් හී සිටි මේජර් ජනරාල් සුමිත් මානවඩුව ( සිනමන් ග්‍රැන්ඩ් හොටලය වැටලීම හා සරත් ෆොන්සේකා මහතාව අත අඩංගුවට ගැනීම සිදු කළේ මොහු විසින්) මේජර් ජනරාල් ජගත් විජේසිරි, මේජර් ජනරාල් කමල් ගුණරත්න , මේජර් ජනරල් ශවේන්ද්‍ර සිල්වා, මෙරටට ගෙන්වා ගෝථාබය රාජපක්ෂ හා ජෙනරාල් සොයිසා යටතේ රහසිගත එකකයක් ආරම්බ කර යම් කුමන්ත්‍රන කාරී ක්‍රියාවකට සැලසුම් කිරීම,
උඩුවේ ධම්මාලොක හිමි යෝදවාගෙන හමුදාව තුල දේශපාලන ධර්ම දේශනා පැවැත්වීම, මේජර් ජනරාල් ප්‍රසාද් සමරසිංහ තැපැල් ඡන්දයට බලපෑම් කිරීම,
මේජර් ජනරාල් මනෝ පෙරේරා විසින් බදුල්ලෙ නාය යාම සම්බන්ධයෙන් ආපදා සහන සලසමින් තවත් සහන ලැබීමටනම් රාජපක්ෂවරුන්ව ජයග්‍රහනය කල යුතු බව එන ජනතාවට පැවැසීම,
මෙලෙසම ගංවතුර සහන සැලසීමෙහි යෙදෙමින් මේජර් ජනරාල් ලාල් පෙරේරා, ද ජනතාව පොළබවා තිබේ,
එමෙන්ම යාපනයේ හිටපු ආඥාතිවරුයාව එම සේවා කාලය ඉක්මවීමට පෙර ඉන් ඉවත් කර විදේශ ගතව සිටි මේජර් ජනරාල් ජගත් අල්විස් ( සුදුවෑන් කල්ලියේ ප්‍රධානියා) ව උතුරු පළාත් අඥාදායකයා ලෙස පත් කර ජනාධිපතිවරන කටයුතු වෙනුවෙන් යොදා ගැනීම,
රණ විරු පවුල් වලට හදීසියේ වියළි ආහාර බෙදා හැරීම, ඡන්දය දින උදේ හමුදා පතිවරයා අරක්ෂක සේනා ආඥාපතිවරුන්ට දුරකතන්යෙන් අමතා රාජපක්ෂවරුන්ගේ ජයග්‍රහනය වෙනුවෙන් කැප වියයුතු බව පැවැසීම,
මේජර් ජනරාල මහින්ද හතුරුසිංහ විසින් හමුදාවේ සියලු සාමාජිකයන් වෙත ජනාධිපතිවරන ප්‍රචාරක පත්‍රිකාවක් බෙදා හැහීම,
යුධ හමුදාවේ සාමාජික නිතිඥවරුන් ශ්‍රී ලංකා නිද්හස් පක්ෂ නීතිඥ සංගමයේ සාමාජිකයන් කිරීම ට බ්‍රිගෙඩියර් රංජිත් රාජපතිරන (ෆොන්සේකා මහතාට එරෙහිව බොරු සාක්ෂි ගොතා නඩු දැමීම සිදු කළ අයෙකි) විසින් කටයුතු කිරීම,
මහින්ද රාජපක්ෂගේ ජනාධිපතිවරන ප්‍රචාරක රැළි සඳහා භාන්ඩ හා සෙවා සැපයීම හා හමුදා සෙබළුන් සිවිල් ඇඳුම් අන්දවා එම රැළි වලට සහභාගී කරවීම ,යනාදිය මෙම චෝදනා පත්‍රයේ සඳහන් වේ.
