සිසුන්, ගුරුවරුන් හා දෙමාපියන් වෙනුවෙන් දෙනියාය අධ්‍යාපන කලාපයේ මාර / කළුබෝවිටියන මහ විදුහලේ පැවැති ආකල්ප සංවර්ධන වැඩ සටහනකට සහභාගී වෙමින් එසේ පැවසූ ඒ මහතා මෙසේද කීය.
'' බුද්ධිමතුන් බිහි කරන දවසේ හොඳම පැය තුන තමයි සවස 6, 7, 8 කියන්නේ. අද ඒක එක එක චැනල් හොරා අරගෙන. අම්මලා හවස හයේ ඉඳන් රෑ දහය වෙනකල් ටෙලිනාට්‍ය බලනවා. අරක බැලුවොත් සල්ලි මේක බැලුවොත් සල්ලි කියලා කවුරු හරි ඇවිත් කීයක්‌ හරි දෙනකල් බලා ඉන්නවා. මේවා අත්හැරලා අම්මලා දරුවන්ගේ අධ්‍යාපනයට මුල් තැන දෙන්න ඕනෑ. අද සමාජයේ පොඩි මිනිස්‌සුන්ගේ දරුවන්ට නැගිටින්න පුළුවන් එකම දේ අධ්‍යාපනය පමණයි.
අම්මලා රූපවාහිනිය බලන එක නවත්තලා ඒ වෙලාවේ දරුවොත් එක්‌ක පාඩම් වැඩ කරන්න.
පහේ ශිෂ්‍යත්වයෙන් වැඩක් නැහැ !
පහේ ශිෂ්‍යත්වයෙන් දරුවා ගොඩදාන්න දෙමාපියන් නැහුණත් ඒකෙන් සමත් වෙන දරුවා ඊළඟ විභාගෙන් පසුබානවා. අද රටේ ඉහළ තැන්වල ඉන්න සාර්ථක අය ශිෂ්‍යත්ව විභාගය ෆේල් වුණ අය. මමත් අද මේ තත්ත්වයෙන් ඉන්නේ ශිෂ්‍යත්ව විභාගයට එදා මම මැරුණේ නැති නිසයි. විභාගය කියන්නේ දක්‍ෂතාවය මනින එකක්‌ නෙමෙයි. දරුවෙකුට ගහ ගහා උගන්වලා වැඩක් නෑ, දරුවාට යහ ගුණය කියන එකත් උගන්වන්න ඕනෑ. දරුවාට අධ්‍යාපනයේ වටිනාකම කියලා දෙන්න ඕනෑ.'' යයි ද අත්තනායක එම්. හේරත් මහතා වැඩිදුරටත් පැවසිය.
මෙම ආකල්ප සංවර්ධන වැඩසටහනට සිසුන්, ගුරුවරුන් හා දෙමාපියන් දහසකට අධික පිරිසක්‌ සහභාගී විය.
(මුලාශ්‍රය- දිවයින)
