එම නිසා ලෝක තෙල් මිළ අඩු වන විට මෙරට තෙල් මිළ අඩුවීමටත් එම මිළ වැඩි වන විට මිළ වැඩී වීමටත් සාධාරණව ආණ්ඩුවේ බල පෑමෙන් නිදහස්ව ක්‍රියාත්මක වන මිළ සූත්රයක් හඳුන්වා දීම නුදුරේම සිදුවන බවත් දැනට පවතින තත්වය යටතේ පෙට්‍රල් ඩීසල් හා භූමි තෙල් මිළ අඩු වීම සිදුවනු ඇති බවත් ඔහු පැවැසීය
මේ අතර ලංකා විදුලිබල මණ්ඩලය සහ ඛනිජ තෙල් සංස්ථාව රටේ ආර්ථිකය විනාශ කරන බහිරවයින් නොව ආර්ථිකය ගොඩනගන දේවතාවන් බවට පත්කළ යුතු බව විදුලිබල හා බලශක්ති අමාත්‍ය පාඨලී චම්පික රණවක මහතා පවසයි.
අමාත්‍යවරයා මෙම අදහස් පළ කළේ එම ආයතනවල සේවකයින් අද(20) මුණගැසී සාකච්ඡා කළ අවස්ථාවේදීය. එම ඉලක්කය සාර්ථක කරගැනීම සඳහා සියලූදෙනා අවංකව කටයුතු කිරීම අත්‍යවශ්‍ය බවය.
විදුලිය, තෙල් සහ ගෑස් සඳහා විධිමත් මිල සූත්රයක් ළඟදීම හඳුන්වාදෙන බවද අමාත්‍යවරයා කියා සිටියා.
'මේ ක්ෂ්ත්‍රයේ පසුගිය රජය කරපු ලොකුම වරද තමයි මේ ක්ෂ්ත්‍රය මුල්‍ය ක්ෂ්ත්‍රයත් සමග එකට පටලවලා පාලනය කිරීමයි. ඛනිජ තෙල් සදහා නිශ්චිත මිල සුත්‍රයක් හදුන්වා දෙනවා.
එවිට ජනතාවටත් තේරෙනවා. අපටත් තේරෙනවා. ඒ මිල සුත්‍රය ඉතා කඩිනමින් ඔබෙත් සහයෝගයෙන් යුතුව ඉදිරිපත් කරනවා. කලිනුත් මිල සුත්‍රයක් තිබුනා ආසියානු සංවර්ධන බැංකුව ලබා දුන්න. අපේ ජනතාවට ඡන්දයේදී පොරොන්දු වුනු සහගහන ඩිසල් පෙට්‍රල් බදු ඉවත් කරලා සහනය අපි අනිවාර්යෙන්ම ලබා දෙනවා.
ඛනිජ තෙල් සංස්ථාව කාර්යක්ෂම නවීන ආයතනයක් බවට පරිවර්තනය කරනවා.'යි යනුවෙන්ද ඔහු මෙහිදී පැවැසීය
