පාර්ලිමේන්තු ආරංචි මාර්ග පවසන ආකාරයට තිස්‌ස අත්තනායක මහතා මේ පිළිබඳව මහ ලේකම් ධම්මික දසනායක මහතාගෙන්ද විමසීමක්‌ කර තිබේ. මහ ලේකම්වරයා ප්‍රකාශ කර ඇත්තේ සභානායකවරයා විසින් ලබාදුන් මන්ත්‍රී ලැයිස්‌තුවට අනුව අසුන සකස්‌ කළ බවය.
ඉන්පසුව තිස්‌ස අත්තනායක මහතා කථානායක චමල් රාජපක්‌ෂ මහතා හමුවී මේ පිළිබඳව විමසා ඇත. පාර්ලිමේන්තුවේ මහලේකම්වරයා හමුවී ගැටලුව විසඳා ගන්නා ලෙසට කථානායකවරයා අත්තනායක මහතාට දැනුම්දී තිබේ. අත්තනායක මහතාට විපක්‌ෂයේ අසුනක්‌ ලබාදිය හැකි බව මහලේකම්වරයා ප්‍රකාශ කළ බව තිස්‌ස අත්තනායක මහතාට සමීප ආරංචි මාර්ග සඳහන් කළේය.
තමන් එක්‌සත් ජාතික පක්ෂයේ මන්ත්‍රීවරයෙකු බැවින් විපක්‌ෂයේ අසුන් ගතහොත් සිය මන්ත්‍රීධුරය අහිමිවීමේ අවදානමක්‌ ඇතැයි ප්‍රකාශ කර ඇති තිස්‌ස අත්තනායක මහතා විපක්‌ෂයේ අසුන් ගැනීම ප්‍රතික්‌ෂේප කර පාර්ලිමේන්තුවෙන් පිටව ගොස්‌ ඇත.
divaina
