උතුරු පළාත් සභා මන්ත්‍රිනී ආනන්දි සසිදරන්ගේ පක්ෂ සාමාජිකත්වය තමිල් අරසු කච්චි පක්ෂය අත්හිටුවා ඇත.
පසුගිය ජනාධිපතිවරනයේදී දෙමළ ජාතික සන්ධානය කොන්දේසි විරහිතව මෛත්‍රීපාල සිරිසේන මහතාව පක්ෂපාතිත්වය දැක්වීමට තීරණය කර තිබියදී මෛත්‍රීපාල සිරිසේන මහතා ඊලම විරුද්ධ බවත් දෙමළ ජනයාට ඉන් සහනයක් නොලැබෙන බවත් ආනන්දි සසිදරන් මහත්මිය මාධ්‍ය සාකච්ඡාවක් පවත්වමින් පැවැසුවාය. එමෙන්ම ඡන්දය වර්ජනය කරන ලෙසත් ඇය උතුරේ දෙමළ ජනතාවගෙන් ඉල්ලා සිටියාය.
මේ අනුව දෙමළ ජාතික පක්ෂයේ ප්‍රධන පක්ෂය වන තමිල් අරසු කච්චි පක්ෂයේ සාමාජිකාවක් වන සසිදරන්ට, පක්ෂයේ විනය කැඩීම පිළිබඳව චෝදනා එල්ල වී තිබේ. ඇගේ පක්ෂ සාමාජිකත්වය නතර කිරීමේ ලිපිය පක්ෂ ලේකම් කේ. තුරෙයිරාජසිංහම් විසින් ඊයේ යවා ඇත.
