මේ අතර, පළමු ශ්‍රේණියට ළමුන් ඇතුළත් කරගැනීමේ පසුගිය දිනවල ආරම්භ වුවත් ඇතැම් ප‍්‍රදේශයන්හි ඒ සම්බන්ධයෙන් ගැටළු මතුවී පවතී. ඇතැම් දෙමාපියන් උද්ඝෝෂණවල නිරතවූයේ තම කුඩා දරුවන්ට පාසලක් අහිමිවීම හේතුවෙනි.
මේ අතර පල්ලම ආර්.ඞී. ජයරත්න ප‍්‍රාථමික විද්‍යාලයේ පාසලේ පන්ති දෙකකින් යුත් පළමු ශ්‍රේණිය එක් පන්තියකට සීමා කිරීමට බලධාරින් ගත් තීරණයත් සමග සිසුන් 40 කට නව වසරේ පළමු ශ්‍රේණිය අහිමිවී අැත.
පුත්තලම ප‍්‍රදේශයේ පළමු ශ්‍රේණියේ දරුවන් පිරිසකට සාලියවැව ආදර්ශ මහා විද්‍යාලය ඉදිරිපිට පැදුරු මත අකුරු ඉගෙනගැනීමට සිදුවූයේ බලධාරීන් මීට පෙර ගත් තීරණයක් මතය. 2013 වසරේදී සාලියවැව ආදර්ශ මහා විද්‍යාලයේ ප‍්‍රාථමික අංශය කලාප බලධාරීන් විසින් ඉවත් කිරීමට තීරණය කළේය. මීට පෙර ඉවත් කළ ප‍්‍රාථමික අංශය යළි පාසලට ලබාදෙන ලෙස දෙමව්පියෝ ඉල්ලා සිටිති.
ඊයේ (20)දිනයේදී තවත් දෙමව්පියන් පිරිසක් මින්නේරිය - හබරණ ප්රධාන මාර්ගය හරස් කරමින් උද්ඝෝෂනයක නිරතවූයේ සිය දරුවන්ට නාගලකන්ද නවෝද්‍යා විද්‍යාලයේ ප‍්‍රාථමික ශ්‍රේණි ආරම්භ කර දෙන ලෙස ඉල්ලමිනි. තමන්ට පවතින දුෂ්කරතා හේතුවෙන් දුර ප‍්‍රදේශයක පිහිටි පාසලකට දරුවන් යැවීමේ හැකියාවක් නොමැති බව දෙමව්පියන් පෙන්වා දෙයි.
