ඔහුගේ ෆේස් බුක් ගිණුම ඔස්සේ මෛත්‍රිපාල සිරිසේන මහතාට සහ නව රජයේ ඇමති මණ්ඩලයේ සිටින බොහොමයක් මහත්වරුන්ට ඉතාමත් පහත් අන්දමින් පිට පිටම මඩ ප්‍රහාර එල්ල කලද මේ වන විට ඒ කිසිත් නොකළ අයුරින් නව රජයට හොඳ මුහුණ පෙන්වමින් සිටින බවක් වාර්තා වේ.
ඔහු පුද්ගලිකවම හිටපු ජනපතිගේ නොලැබුණු ජය වෙනුවෙන් ක්‍රියා කළ නමුත් ප්‍රවීණ මාධ්‍යවේදීන් වන අනෙකුත් කතුවරුන් මැතිවරණ සමයේ මෛත්‍රිපාල සිරිසේන මහතා වෙත රාජකාරී මට්ටමෙන් ප්‍රහාර එල්ල කළද ඔවුහු කිසිවෙකු ඒ සඳහා තමන්ගේ පුද්ගලික ෆේස් බුක් හෝ Twitter ගිණුම් උපයෝගී කර නොගත්හ.
මේ වන විට ඔහුගේ ෆේස් බුක් ගිණුමේ සිටි දහස් ගණන් මිතුරු මිතුරියන් සියල්ලම පාහේ ඉවත් කර ඇති අතර ඔහු හට පක්ෂපාතී කිහිප දෙනෙකු පමණක් friend list එකේ තිබෙන්නට ඉඩ හැර ඇත.
ඔහු විසින් මැතිවරණ සමයේ පල කල සියලුම පොස්ට්ස් මැතිවරණයට පසු දාම ඉවත් කොට ඇති අතර උසස් පෙළ හැදෑරීම සඳහා ඔහු ඇතුලත් වූ රාජකීය විද්‍යාලය හා සම්බන්ධ ඡායාරූප පමණක් තිබෙන්නට හැර ඇත.
ඔහුගේ FB ගිණුමේ මැතිවරණයට පසුදා සඳහන් කළ පරිදි සන්ඩේ ඔබ්සර්වර් පුවත් පතේ ප්‍රධාන කතෲ ධූරයෙන් ඔහු සමු ගෙන ඇතත් තවමත් එහිම රැඳී සිටින බව ආරංචි මාර්ග පවසයි. තවද ඔහු ඩේලි නිවුස් පුවත් පතේ ක්‍රීඩා කතෲ වන නිසා එම තනතුරු දෙකටම අදාල ලක්ෂ ගණනක වරප්‍රසාද ලබමින් සිටියි.
ඔහුගේ දුර්වල පාලන සමයේදී මෙතෙක් ශ්‍රී ලංකාවේ ප්‍රධානතම පුවත් පතක් ව පැවති සන්ඩේ ඔබ්සර්වර් හි ආදායම බෙහෙවින් පහළ ගිය ඇති අතර එහි අළෙවිය ද ඉතා දුක්ඛිත තත්වයක පවතින බව පැවසේ. ඔහුගේ කෙණහිළිකම් ඉවසා ගත නොහැකි වූ අහිංසක සේවකයන් කිහිප දෙනෙකුම ඒ හේතුවෙන්ම සේවය හැර ගොස් ඇති අතර ඉතිරි වී ඇති ප්‍රවීණ මාධ්‍යවේදීන් කිසිවෙකුටද ඔහු කිසිදු අන්දමින් නොසැලකූ බවද කියවේ.
-lankanewsweb
sri lanka no 1 news web site - www.lankadaily.com
