එමෙන්ම එක්සත් ජනතා නිදහස් සන්ධාන ආණ්ඩුවේම ඡන්ද පදනමේ ශීඝ්‍ර බිඳ වැටීම කොතෙක්ද යන්න පිළිබඳ පසුගිය බස්නාහිර හා දකුණු පළාත් සභාවලින් පැහැදිලිව ඔප්පු වූ බවද ඔහු පෙන්වා දෙයි.
වැඩිදුරටත් අදහස් දක්වමින් ඒ මහතා පෙන්වා දෙන්නේ ත්‍රස්තවාදයෙන් නිදහස් වූ රටේ ප්‍රශ්න විසඳමින් ජනතාවට ජීවන බර නැතිකර සහන ලබාදෙමින්, රට සංවර්ධනය කරමින්, රටේ නිෂ්පාදන ඉහළ දමමින් ඉදිරියට යෑමට යුද්ධයෙන් පසු වසර 5ක දිගු කලක් මේ ආණ්ඩුවට ලැබුණා. ඒත් ඒ කිසිදු ප්‍රශ්නයකට විසඳුම් දීමට ආණ්ඩුවට බැරි වූ බවයි.
ඒ තුළ ආණ්ඩුවේ වැඩ බැරිකමයි, බොරුවයි, ඇන්දිල්ලයි ජනතාව දැන් තේරුම් අරන් ඇති බවත් මේ රටේ ජනතාවගේ බඩගින්න තරුණ තරුණියන්ගේ විරැකියා ගින්න වගේම ජාතීන් අතර ඇති අනවබෝධ ගින්නත් නිවිය හැක්කේ එ. ජා. ප. ආණ්ඩුවකට විපමණක් බවත් ඒ මහතා පෙන්වා දෙයි.
