රටට පොරොන්දු වූ පරිදි මීළඟ මැතිවරණය සාධාරණ, සදාචාර සම්පන්න මැතිවරණයක් බවට පත්කරන බව ද ඇමැතිවරයා සඳහන් කළේය.
මැතිවරණ කොට්ඨාසයකට නිශ්චිත මන්ත්‍රීවරයකු බැගින් තෝරාගන්නා කේවල ඡන්ද ක්‍රමයට හා සමානුපාතික ක්‍රමයට තෝරා ගන්නා මන්ත්‍රීවරුන්ගෙන් නව පාර්ලිමේන්තුව සමන්විත වේ. දින සියයේ වැඩසටහන යටතේ කෙරෙන ආණ්ඩුක්‍රම ව්‍යවස්ථා සංශෝධනයට පවතින මැතිවරණ ක්‍රමය වෙනස් කිරීම ද ඇතුළත්ය.
මැතිවරණ කොට්ඨාස සීමා නිර්ණයට පෙර මැතිවරණය පවත්වනවාදැයි කළ විමසුමකට පිළිතුරු දුන් රාජිත සේනාරත්න ඇමැතිවරයා, ‘පවතින මැතිවරණ කොට්ඨාස ක්‍රමයට මැතිවරණයේ ප්‍රතිඵල නිකුත් කළානම් ඒ අනුව මීළඟ මැතිවරණය පවත්වනවා මිස සීමා නිර්ණය පදනම් කරගෙන එය කල් නොදැමිය යුතු යැයි ද ඇමැතිවරයා සඳහන් කළේය.
මේ සම්බන්ධයෙන් මැතිවරන කොමසාරිස්වරය පවසන්නේ පැරණි ක්‍රමයට මැතිවරණය පවත්වන්නේ නම් මාස දෙකහාමරක කාලයකදී ඊට සූදානම් විය හැකි බවත් ක්‍රමය වෙනස වන්නේ නම් ඒ අධ්‍යයනය කිරීමට හා ක්‍රමවේදයන් වෙනස් කිරීම සඳහ තවත් අමතර කාලයක් අවශ්‍ය බවය.මාස 3ක කාලයක් වත් ඊට අවශ්‍ය බව ඔහු පවසයි.
