ශ්‍රී ලංකාවට එරෙහිව ජගත් මානව හිමිකම් කොමිසමෙන් සිදුකෙරෙන යුද අපරාධ පරීක්ෂණ සම්බන්ධයෙන් සාකච්ඡා කිරීම මේ සංචාරයේ අරමුණ වී තිබෙන අතර ඊට අමතරව ශ්‍රී ලංකාවේ වත්මන් තත්ත්වය සම්බන්ධයෙන් ද සාකච්ඡා කිරීමට නියමිතව තිබේ.
ජගත් මානව හිමිකම් කොමිසමේ 28 වැනි සැසිවාරයෙන් පසුව සිදුවූ ප්‍රගතිය සම්බන්ධයෙන් මෙහිදී ජයන්ත ගැන ධනපාල මහතා ජගත් මානව හිමිකම් කොමසාරිස්වරයාට කරුණු දැක්වීමට නියමිත අතර යුද අපරාධ සිදුවී ඇත්නම් පිළීබඳව ශ්‍රී ලංකාවේ නව රජයෙන් පරීක්ෂණයක් පැවැත්වීමට සූදානම් බවද විදේශ කටයුතු අමාත්‍යාංශ්‍ය කියයි.
එක්සත් ජාතීන්ගේ මානව හිමිකම් කොමසාරිස් සෙයිද් රාද් සෙයිද් අල් හුසේන් ලබන මාර්තු මාසයේ ජිනීවා මානව හිමිකම් මණ්ඩලය වෙත ඉදිරිපත් කරන වාර්ෂික වාර්තාවට ශ්‍රී ලංකාව පිළිබඳ විශේෂ සටහනක් ඇතුළත් කර තිබෙන අතර එමඟින් මෙරට මානව හිමිකම් තත්ත්වය පිළිබඳ පරීක්ෂණවල ප්‍රගතිය දැක්වෙන බවද වාර්තා වෙයි.
පසුගිය වසරේ ජනවාරි සිට දෙසැම්බර් දක්වා කාලය තුළ මෙරට මානව හිමිකම් තත්ත්වය සහ ජගත් මානව හිමිකම් මණ්ඩලයේ නිර්දේශ ක්‍රියාත්මක කිරීම සම්බන්ධයෙන් එහිදී කරුණු ඉදිරිපත් කරනු ඇති අතර උගත් පාඩම් සහ ප්‍රතිසන්ධාන කොමිසමේ ඇගයීම් කාලසීමාව තුළ සිදුවීම් පිළිබඳවද එමඟින් විශේෂ අවධානයක් යොමුකර තිබේ.
dinamina
