මල්වතු අස්ගිරි මහ නාහිමිවරුන් බැහැ දැකීමෙන් අනතුරුව මාධ්‍ය වෙත අදහස් දක්වමින් වසන්ත සේනානයක නියෝජ්‍ය අමාත්‍යවරයා මෙම අදහස් පළ කළේය.
නියෝජ්‍ය අමාත්‍යවරයා පෙන්වා දෙන්නේ එම කාලය තුළ අලි පැටවුන් බාර නොදෙන පුද්ගලයින්ට එරෙහිව නීතිමය ක්‍රියාමාර්ග ගන්නා බවයි.
විවිධ පුද්ගලයින් හා සිද්ධස්ථාන ආශ‍්‍රිතව රඳවාගෙන සිටින බොහෝ අලි පැටවුන් සඳහා නීත්‍යානුකූල හිමිකමක් නොමැති බව විමර්ශනවලදී අනාවරණ වී ඇත. එලෙස අලි පැටවුන් ළඟ තබාගෙන සිටින පුද්ගලයින්ට එරෙහිව නීතිය කි‍්‍රයාත්මක කළහොත් එම සතුන්ගේ ජීවිතවලට ද බලපෑම් එල්ල විය හැකි බව අමාත්‍යවරයා පෙන්වා දුන්නේය. ඒ සම්බන්ධයෙන් සිතාබලා මෙම තීරණය ගත් බවද අමාත්‍යවරයා පැවසුවේය.
මේ අතර කොළඹ ඉකුත් දා පැවති මාධ්‍ය හමුවකට සහභාගි වෙමින් ජෛව සංරක්ෂණ භාරයේ අධ්‍යක්ෂ පුබුදු වීරරත්න මහතා ප‍්‍රකාශ කළේ බලපත‍්‍ර නොමැතිව අලි පැටවුන් ළඟ තබාගෙන සිටින පුද්ගලයින් එම අලි පැටවුන් මරා දැමීමට සැලසුම් කර ඇති බවයි.
