අනුර විදානගමගේ සහ ඔහුගේ සොහොයුරාවන පාර්ලිමේන්තු මන්ත්‍රී තේනුක විදානගමගේට එරෙහිව දූෂණ වංචා හා මැර කම් සම්බන්ධයෙන් චෝදනා අති විශාල ප්‍රමාණයක් එල්ල වී ඇති මුත් පසුගිය රාජපක්ෂ පාලන සමයේදී ඒ කිසිවක් සම්බන්ධයෙන් පරීක්ෂණ පැවැත් වූයේ නැත. පසුගිය පළාත් සභා මැතිවරණයේදීද ඉතා ප්‍රචණ්ඩ මැතිවරණ ව්‍යාපාරයක් ගෙන යමින් එජාපයට හා ජවිපෙට එරෙහිව ප්‍රහාර ගන්නාවක්ම ඔවුන් විසින් එල්ල කරනු ලැබීය.
ඌව පළාත් සභාවේ නව ඇමැති මණ්‌ඩලය ඊයේ (30 දා) නව ආණ්‌ඩුකාර නීතිඥ එම්. පී. ජයසිංහ මහතා ඉදිරියේ දිවුරුම් දුන්හ.
ඒ අනුව ඌව පළාත් ප්‍රධාන ඇමැති හරීන් ප්‍රනාන්දු මහතා - ඌව පළාතේ මුදල් හා ක්‍රම සම්පාදන, නීතිය හා සාමය, අධ්‍යාපන, පළාත් පාලන, සමාජ සුබසාධන, ග්‍රාමීය යටිතල පහසුකම් සංවර්ධනය, ප්‍රවාහන හා ඉදිකිරීම් අමාත්‍යවරයා වශයෙන් දිවුරුම් දුන්නේය.
අනුර රවීන්ද්‍ර විදානගමගේ මහතා - ඌව පළාතේ කෘෂිකර්ම, වාරිමාර්ග, මිරිදිය ධීවර කර්මාන්ත, ඉඩම් හා සංචාරක කටයුතු ඇමැතිවරයා ලෙස දිවුරුම් දුන්නේය.
ජයසුන්දර මුදියන්සේලාගේ ආනන්ද කුමාරසිරි මහතා - ඌව පළාත් සෞඛ්‍ය, දේශීය වෛද්‍ය, පරිවාස හා ළමාරක්‍ෂක, වනිතා, විදුලිබල හා බලශක්‌ති ඇමැතිවරයා වශයෙන් දිවුරුම් දුන්නේය.
රවීන්ද්‍ර සමරවීර මහතා - ඌව පළාතේ මාර්ග සංවර්ධන, නිවාස, ජල සම්පාදන, සමුපකාර, සත්ව නිෂ්පාදන හා සංස්‌කෘතික ඇමැතිවරයා වශයෙන් දිවුරුම් දුන්නේය.
වඩිවේලු සුරේෂ් මහතා - ඌව පළාතේ ක්‍රීඩා, යෞවන කටයුතු, පේෂකර්මාන්ත හා කුඩා කර්මාන්ත, වතු යටිතල පහසුකම් හා වතු අධ්‍යාපන කටයුතු ඇමැතිවරයා වශයෙන් දිවුරුම් දුන්නේය.
