ජනාධිපති මෛත‍්‍රීපාල සිරිසේන මහතා පසුගිය රජයේ සෞඛ්‍ය අමාත්‍යවරයා ලෙස කටයුතු කරමින් සිටියදී ජාතික ඖෂධ ප‍්‍රතිපත්තිය සක‍්‍රිය කිරීමට උත්සහ දරනු ලැබුවේය. එහෙත් එම පනත් කොටුම්පත අස්ථාන ගත වූ බවට තොරතුරුඅනාවරණ කෙරුණේය. ඒ සම්බන්ධයෙන් විවිධ පාර්ශවයන්ටද චෝදනා එල්ල වුණි. කෙසේ වෙතත් ඊයේ දිනයේදී ජාතික ඖෂධ ප‍්‍රතිපත්තියට අදාල පනත් කොටුම්පතට කැබිනට් මණ්ඩලයේ අනුමැතිය හිමිවුයේය.
මේ අතර ඉදිරි වසර පහ තුළදී මෙරට තුළ ඖෂධ සහ ඊට අදාල උපකරණ නිෂ්පාදනය කිරීමට පියවර ගන්නා බව සෞඛ්‍ය අමාත්‍ය රාජිත සේනාරත්න මහතා පවසයි. ඒ හරහා විදේශයන්ට ඇදී යන විශාල මුදලක් ඉතිරි කර ගැනීමට හැකිවන බව ඔහු කියා සිටියේය.
