මන්ත්‍රිවරයා හා ජාවාරම්කරුවන් අතර මුදල් හුවමාරු සිදු වුයේ ද යන්න සම්බන්ධයෙන් පුළුල් විමර්ශනයක් පැවැත්වේ. වෙලේ සුදා , ඔහුගේ බිරිය, පාර්ලිමේන්තු මන්ත්‍රි දුමින්ද සිල්වා ඇතුළු පුද්ගලයන් පස්දෙනකුගේ ගිණුම් පරික්ෂාව මේවන විටත් ආරම්භ කර ඇති බවට පොලිසිය අධිකරණය හමුවේ පවසා සිටියේය.
මත්ද්‍රව්‍ය ජාවාරමේ යෙදෙමින් විශාල වශයෙන් දේපළ උපයාගෙන ඇතැයි කියන කඩවත පාර, දෙහිවල ලිපිනයේ පදිංචි ගම්පොළවිදානගේ සමන්ත කුමාර නොහොත් වෙලේ සුදා, විජේසිංහ ආරච්චිගේ සුනිමල් සංජිව හා මානාගොඩ කංකානම්ගේ සමන් ප්‍රදිප් යන නම්වලින් පෙනී සිටි මත්ද්‍රව්‍ය ජාවාරමේ යෙදී ඇත.
එල්ටිටීඊ සංවිධානයේ මත්ද්‍රව්‍ය හා අවි ජාවාරමේ යෙදුණු ගුණශිලන් නොහොත් කිඹුලා ඇළ ගුණා සමඟ වෙලේ සුදා සම්බන්ධතා පැවැත්වු බැවින් ඔහු ත්‍රස්ත විමර්ශන ඒකකයට අවශ්‍ය සැකකරුවකු බවත් මහා පරිමාණ මත්ද්‍රව්‍ය ජාවාරම් හා සංවිධානාත්මක අවි ඇතුළු වෙනත් අවි ළඟ තබා ගැනීමේ සම්බන්ධතා සම්බන්ධයෙන් අත්අඩංගුවට ගෙන අධිකරණවලට ඉදිරිපත් කර අධිකරණ මඟ හැර විවෘත වරෙන්තු නිකුත් වු අයකු බවට පොලිසිය අධිකරණයට කරුණු වාර්තා කර තිබිණ.
2012 ව්‍යාජ ගමන් බලපත්‍ර මඟින් ඉන්දියාවට පලා ගිය සැකකරු එහිදි එල්.ටී.ටී.ඊ සංවිධානයේ සමාජිකයකු වන කිළිනොච්ච්යේ පදිංචිව සිට ඉන්දියාවේ පල්ලවාකදු ප්‍රදේශයේ පදිංචි කනගරාජා විශ්වරාජා නොහොත් කිෂ්ණපිල්ලේගේ නිවසේ සිට රැකවරණය ලබමින් අපරාධ කිරීමේ අරමුණින් එහි රැදී සිටි බවත් පසුව පාකිස්තානය ඩුබායි යන රටවල රැඳී සිටිමින් නීතිවිරෝධි මත්ද්‍රව්‍ය ජාවාරමෙන් උපයා ගත් මුදල් එල්.ටී.ටී.ඊ සංවිධානයට ලබා දී ඇති බවට පොලිසිය අධිකරණය හමුවේ පැවැසීය.
සැකකරු සතු වු ගිනි අවි සම්බන්ධයෙන් පුළුල් විමර්ශනයක් සිදු කරන බව පැවසූ පොලිසිය බඹවත්ත පාර, මාදිවෙල, කොට්ටේ පදිංචි ඔහුගේ බිරිය වන ගයනි ප්‍රියදර්ශනි යන අයගේ නමට ටෝයොටා එළියන් වර්ගයේ කාර් රථයක් රුපියල් 5,300,000ක් ගෙවා ලබා ගෙන පසුව එය ලක්ෂ දහයක කල්බදු පහසුකම් ලබා ගෙන ඇති බවට ද පොලිසිය අධිකරණයට කරුණු වාර්තා කර තිබිණ.
dinamina
