මුද්දර බදු, මාර්ග තැනීම වෙනුවෙන් කොළඹ නගර සභාවට අයවිය යුතු මෙම මුදල යුද හමුදාවට ලබා දී ඇත්තේ කුමන පුද්ගලයකුගේ මැදිහත්වීමකින් ද, එයට සම්බන්ධවූවන් කවුරුන්ද යන්න සොයාබලා නොපමාව ඒ පිළිබඳ ජනතාවට හෙළිදරව් කරන ලෙස ද මුසම්මිල් මහතා තම පැමිණිල්ල මගින් ඉල්ලා සිටියි.
කොළඹ නගර සභා බල ප්‍රදේශයේ ජනතාවගේ සුබසිද්ධිය වෙනුවෙන් සංවර්ධන කටයුතු ඇරැඹීමට යෙදවීමට හැකි මෙම මුදල් වෙනත් පාර්ශ්වයන් වෙත ලබාදීමෙන් ජනතාවගේ සංවර්ධනයට බාධා පැමිණෙන බැවින් එම මුදල නොපමාව මේ නගර සභාවට ලබාදීමට කටයුතු යොදන්නැයි ද නගරාධිපතිවරයා මෙමගින් ඉල්ලා සිටියි.
මෙසේ පැමිණිලි කිරීමෙන් දින ගණනාවක් ගත වී ඇතත් මේ සම්බන්ධව අදාළ ආයතනයන්ගෙන් කිසිදු පිළිතුරක් නොලැබීම පිළිබඳ නගරාධිපතිවරයා සිය කනස්සල්ල පළ කරයි.
(දිනමිණ)
