එනම් මෙම ව්‍යාපාරිකයින් විසින් විවිධ විදේශ ආයතන සමග ගනුදෙනු සිදුකිරීමේ දී මුදල් හුවමාරු කර ඇත්තේ ඊමේල් පණිවිඩ හරහාය. එසේ ගනුදෙනු කරන විට කිසියම් අයකු විසින් අදාළ ආයතනය ලෙස පෙනී සිටිමින් තම ඊමේල් ගිණුම වෙනස් කළ බවත් ඒ නිසා තමාගේ අලුත් ගිණුමට මුදල් එවන ලෙසත් දන්වා ඊමේල් පණිවිඩ එවා ඇත.
පසුව මුදල් තැන්පත් කර භාණ්ඩ පැමිණෙන තෙක් බලා සිටියත් භාණ්ඩ පැමිණීම කල්යාම නිසා ඒ පිළිබඳ සොයා බැලීමේ දී එම මුදල් වංචාකරුවන්ට බැරකර ඇති බව පසුව හෙළිවී තිබේ. මේ ආකාරයෙන් ප්‍රධාන ව්‍යාපාරිකයන් 5 දෙනකු හසුවී ඇති බවත් ඔවුන් ඒ පිළිබඳ තම ආයතනයට පැමිණිලි කර ඇති බවත් චන්ද්‍රගුප්ත මහතා පැවසීය.
කෙසේ වෙතත් තවමත් මෙම සයිබර් වංචාකරුවන් කවුරුන්ද යන්න හෙළිවී නැත.
ඉදිරි දින කිහිපය තුළ මේ පිළිබඳ පොලිසියට පැමිණිලි කිරීමට ද මෙම ව්‍යාපාරිකයින් සූදානම්ව සිටින බව චන්ද්‍රගුප්ත මහතා වැඩිදුරටත් සඳහන් කළේය.
rivira
