ශ්‍රී ලංකා රජයේ ආරාධනයකට අනුව ඒ මහතාගේ සංචාරය සිදුවන අතර එළැඹෙන මාර්තු මාසයේ දී උප ජනාධිපතිවරයා මෙරටට පැමිණෙන බව ශ්‍රී ලංකාවේ දකුණු අප්‍රිකානු මහකොමසාරිස් ජියෝෆ් ඩොයිජ් (Geoff Doidge) මහතා ප්‍රකාශ කරයි.
ප්‍රගතිශීලී නායනකයෙකු වන සිරිල් රමපෝෂා මහතා සාමය සම්බන්ධයෙන් හසල අත්දැකීම් සහිත පුද්ගලයෙකු බවද ඒ හේතුවෙන් මෙරට සාම ක්‍රියාදාමය ඉදිරියට ගෙනයාමේ දී ඔහුගේ සේවය ලබාගැනීමේ හැකියාව තිබෙන බවද මහ කොමසාරිස්වරයා පෙන්වා දෙයි.
කෙසේ නමුත් රමපෝෂාගේ පැමිණිම සම්බන්ධයෙන් එවකටද රාජපක්ෂ ආණ්ඩුවේ ජාතිවාදී කණ්ඩායම් හී විරෝධය එල්ල වූඅතර ඔහු එල්ටීටීඊ බෙදුම්වාදයට පක්ෂ පාත පුද්ගලයකු බවද පැවැසුනි. එමෙන්ම ඔහු ලෝකයේ ප්‍රධාන පෙළේ ගල් අඟුරු ආකර හිමි බලවත් ව්‍යාපාරිකයකු වේ. මෙරට නොරොච්චෝලේ බලාගාරයට ගල් අඟුරු සැපයීමේ ටෙන්ඩරයද ඔහුගේ සමාගමකට ලැබී තිබුණු බවත් වර්තා වී ඇති අතර එම ගනුදෙනුව පි‍ටුපස සිටින්නේ හිටපු ආර්ථික සංවර්ධන ඇමැති බැසිල් රාජපක්ෂ මහතා බවද හෙළිවිය. එහි අතර මැදියන් ලෙස එල්ටීටීඊයේ විදෙස්ගත නායකයකු වන රුද්‍රකුමාරන් මහතාද සිටින බවට තොරතුරු වාර්තා විය. පැවැති රාජපක්ෂ රජය හා එල්ටීටී සංවිධානය අතර රහස් ගනුදෙනුවක් ලෙස මෙම ගල් අඟුරු ගනුදෙනුවද වූ බව ට චෝදනා එල්ල වෙ තිබිණි.
සාම නියෝජිතයෙකු වශයෙන් ශ්‍රී ලංකාවට පැමිණෙන දකුණු අප්‍රිකානු උප ජනාධිපති සිරිල් රමපෝෂා මහතා පසුගිය 2014 වසරේ ජූලි මාසයේ දීද ශ්‍රී ලංකාවට පැමිණි අතර එවකට ජනාධිපති මහින්ද රාජපක්ෂ මහතා හමුවී සාකච්ඡා පැවැත්වීය. එමෙන්ම ඉන් පසුව බැසිල් රාජපක්ෂ මහතාද දකුණු අප්‍රිකාවට ගොස් ඔහු හමුවිය.
මෙවර සංචාරයේ දී ඒ මහතා ජනාධිපති මෛත්‍රීපාල සිරිසේන මහතා හමුවී සාකච්ඡා කිරීමට නියමිත බවද ජියෝෆ් ඩොයිජ් මහතා කියාසිටී.
