ඒ අනුව අද කොළඹ මහේස්ත්‍රාත් තිලිණ ගමගේ මහතා වෙත ඉදිරිපත් කිරීමෙන් අනතුව රුපියල් 25,000 ක මුදල් ඇපයක් සහ රුපියල් ලක්ෂ 10ක ශරීර ඇප දෙකක් මත ඔහුව නිදහස් කර ඇත.
ජනාධිපති ලේකම් කාර්යාලය සතුව තිබූ වාහන තුනක් අතුරුදන්වීම සම්බන්ධයෙන් කීර්ති දිසානායක මහතා පසුගිය 17 වන දින අත්අඩංගුවට ගනු ලැබීය.
පසුගිය 18 වන දින අධිකරණයට කැඳවු අවස්ථාවේදී ඉදිරිපත් වු කරුණු සලකා බැලු කොළඹ කොටුව මහේස්ත්‍රාත් තිළිණ ගමගේ මහතා සැකකරු අද(25) දින දක්වා රක්ෂිත බන්ධනාගාර ගත කිරීමට නියෝග කර තිබුණි.
ජනාධිපති ලේකම් කාර්යාලය සතු වාහන පසුගිය කාලය තුළ දිවයිනේ විවිධ ප්‍රදේශවල තිබී සොයා ගැනුණි.
