එසේ වූ කළ කිසිසේම පරිසර හිතකාමී වාර්තාවක් සකස් වේදැයි යළිත් සිතා බැලිය යුත්තක් බවද ඔවුන් පෙන්වා දෙයි. ඊයේ(26) පැවැති මාධ්‍ය හමුවේදී ඔවුන් මේ බව ප්‍රකාශ කලේය.
එමෙන්ම වත්මන් ආණ්ඩුවේ මැතිවරණ වේදිකාවල මාතෘකාවක්වූ "පරිසර හිතකාමී නොවන වරාය නගරය" නතර කිරීම මැතිවරණයේ වේදිකා වල සටන් පාඨයක් පමණක් බව කෙමෙන් පැහැදිළි වන බවද පරිසරවේදීහු පෙන්වා දෙති.
බලයට පත්වීමට පෙර මෙම ව්‍යාපෘතිය රටට අහිතකරයි යැයි එවකට පොදු අපේක්ෂකව සිටි මෛත්‍රිපාල සිරිසේන මහතාට සහ විපක්ෂ නායක රනිල් වික්‍රමසිංහ මහතා දැන සිටියේනම් එය නතර කිරීමට තවමත් ප්‍රමාද ඇයි දැයි ඔවුන් ප්‍රශ්න කරයි.
වරාය නගරයෙහි හෙක්ටෙයාර 233 කොටස් දෙකකට බෙදා ඉන් 170 ක් විකිණිය හැකි ඉඩම් ලෙසත්, තවත් හෙක්ටෙයාර 63ක් පොදු පහසුකම් සඳහා සංවර්ධනය කරන ඉඩම් ලෙසත්, නම් කොට ඇති බව පෙන්වා දෙන පරිසරවේදීහු හෙක්ටෙයාර 170 න් 108 ක ඉඩම් ප්‍රමාණය චීනයට ලබා දී ඇති අතර එයින් හෙක්ටයාර් 20 ක් සින්නක්කරත් 88 ක් 99 අවුරුදු බදු ක්‍රමයටත් ලබාදි ඇති බවත් සදහන්කර සිටියේය.
එමෙන්ම මෙරටට ඉතිරිව තිබූ හෙක්ටෙයාර 62 කල පසුගිය දිනවල ජනපති මෛත්‍රීපාල සිරිසේන මහතා ඉන්දියාවේ කළ සංචාරයේදී ඔවුන්ට බලා දීමට එකඟ වී ඇති පියවර ගෙන ඇති බවද ඔවුන් හෙළිදරව් කළේය.
