අමාත්‍යවරිය පෙන්වා දෙන්නේ, දේශය රැකදුන් ජනාධිපති මහින්ද රාජපක්ෂ මහතගේ දෑත් ශක්තිමත් කිරීමට අවශ්‍ය ජනතා පෙළගැසෙමු සක්‍රීය කළයුතු බවයි.
අමාත්‍යවරිය මේ බව කියා සිටියේ, ජනාධිපතිවරයාගේ මගපෙන්වීම මත ක්‍රියාත්මක, "රට රකින නිල් පවුර - සුරකිමු මව්බිම" වැඩසටහනේ, ශ්‍රී ලංකා නිදහස් පක්ෂ කාන්තා සංවිධානයේ ගම්පහ දිස්ත්‍රික් මීරිගම ආසන බලමණ්ඩල රැස්වීමට සහභාගී වෙමිනි.
පාර්ලිමේන්තු මන්ත්‍රී වසන්ත සේනානායක මහතා විසින් සංවිධානය කළ මෙම කාන්තා නියෝජිත සම්මේලනය, පසුගියදා මිරිගම මහපොල ඥාණප්‍රදීප යොවුන් නිකේතනයේදි පැවැත්විණි.
එහිදී අදහස් දැක්වූ අමාත්‍ය පවිත්‍රා වන්නිආරච්චි මහත්මිය කියා සිටියේ, යුද්ධය නිමාකර, රට ආර්ථිකමය වශයෙන් ඉදිරියට පැමිණෙමින් තිබෙන මොහොතක, දෙමළ ඩයස්පෝරාවේ බලපෑම් මත ඇතැම් බටහිර රාජ්‍යයන් ශ්‍රී ලංකාව තුල යළි ත්‍රස්තවාදය නිර්මාණය කිරීමටත්, රට බෙදා වෙන්කිරීමටත්, කුමන්ත්‍රණ කරන බවයි.
ඊට එරෙහිව එකාමෙන් පෙළගැසිය යුතු කාලය එළඹ ඇතැයිද, වන්නිආරච්චි අමාත්‍යවරිය වැඩිදුරටත් පෙන්වා දුන්නාය.
