මීට සතියකට පමණ පෙර ඒ මහතා සිය ඉල්ලා අස්වීමේ ලිපිය භාර දී ඇත. අනුර සේනානායක මහතා විශ්‍රාම යාමට තවත් මාස ගණනාවක් තිබියදී මෙම ඉල්ලා අස්වීම භාර දී තිබීම සම්බන්ධව පැහැදිලි හේතුවක් ඉදිරිපත් කර නැත.
මේ අතර අනුර සේනානායක මහතා බියගම විලේජ් හෝටලයේ අධිපති ඝාතනයට සම්බන්ධ යැයි ඇතැම් මුද්‍රිත මාධ්‍ය සහ වෙබ් අඩවි කිහිපයක ඊයේ (02) පළ වී තිබිණි.
එම ප්‍රවෘත්තිය සම්පූර්ණ අසත්‍ය කරුණක් බව පවසන පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ අජිත් රෝහණ මහතා රහස් පොලිසිය පවත්වන පරීක්ෂණවල දී අනුර සේනානායක මහතාගේ නම කෙසේවත් සඳහන් වි නැති බව පැවසීය. තවද එම අසත්‍ය ප්‍රවෘත්තිය පළ කළ ආයතන වෙත නිවැරදි කිරීමේ ලිපි යවා ඇති බව අජිත් රෝහණ මහතා කීය.
