එසේ මුදල් ලබා ගත්තද එම ළමයින් කිසිවෙකුත් ආපසු මාපියන් වෙත බාර නොදී මේ වනතෙක් අතුරුදන් කර ඇත. සිංහල, දෙමළ, මුස්ලිම් ළමයින් දස දෙනෙක් එසේ අතුරුදන්වී ඇත.
මේ අපරාධය සම්බන්ධයෙන් පරීක්ෂණ පවත්වන රහස් පොලිසියට හිටපු නාවික හමුදාපති වසන්ත කරන්නාගොඩ මහතා විසින් අදාළ පැහැර ගැනීම්වලට සැකකරන නාවික හමුදා කණ්ඩායමේ සිටි විශේෂ විමර්ශන ඒකකයෙන් සොයා ගත් අතුරුදන් ළමුන්ගේ හැඳුනුම්පත් ගණනාවක් 2010 වසරේදී පොලිස්පතිවරයා වෙත බාර දී තිබේ.
ඒ අනුව මේ අතුරුදන්වීම් සම්බන්ධව පරීක්ෂණ ආරම්භවී ඇත්තේ 2010 වසරේදීය. වසර පහක් තිස්සේ පැවැති පරීක්ෂණයෙන් අනතුරුව එම නාවික හමුදා විශේෂ විමර්ශන ඒකකය බාරව සිටි හිටපු නාවික හමුදා මාධ්‍ය ප්‍රකාශකවරයාගෙන් සහ තවත් නාවික හමුදා භටයන් 6 දෙනෙකුගෙන් රහස් පොලිසිය ප්‍රශ්න කර ඇත.
මේ අතුරුදන් ළමුන් අ.පො.ස. සාමාන්‍ය පෙළ, අ.පො.ස. උසස් පෙළ සහ විශ්වවිද්‍යාල සුදුසුකම් ලැබු අයද වෙති. මේ ළමුන් පළාත් කිහිපයකින් පැහැර ගැනීම්වලට ලක්වී ඇතත් එය එකම කණ්ඩායමක් විසින් සිදුකර ඇති බවට රහස් පොලිසියට තොරතුරු අනාවරණයවී ඇත.
තවද මේ ළමයින් පැහැරගෙන කප්පම් ලබාගෙන ඉන් අනතුරුව ඔවුන් මරා දමා තිබේද යන සැකය රහස් පොලිසියට ඇතිවී තිබේ. මේ ළමයින් පැහැර ගැනීමෙන් අනතුරුව දෙමාපියන් සමඟ දුරකථන ඇමතුම් හරහා කතා කර ඇති බව ද අනාවරණයවී තිබේ. මේ අපරාධයට දැනට සැකකරන නාවික හමුදා විශේෂ විමර්ශන ඒකකය කොළඹ කොටුව ප්‍රදේශයේ 2008 – 2009 වර්ෂවල පිහිටුවා තිබිණි.
dinamina ඇසුරෙණි
