මෙම කොල්කරුවන් එහි සිටි ආරක්ෂක නිලධාරියකුටද පහරදී ඇති අතර ඔහු ප්‍රතිකාර සඳහා කළුබෝවිල රෝහලට රැගෙන ගොස් ඇත.
ඊයේ පස්වරුවේ මෙම කොල්ලය සිදුවූ අතර යතුරුපැදියකින් පැමිණි මෙම කොල්ලකරුවන් දෙදෙනා මුදල් කවුන්ටරය අසලට ගොස් එහි සේවකයින් බිය ගන්වා තිබේ.
බැංකුව තුළ සිටි ආරක්ෂක නිලධාරියා මෙය දැන පසුව එහි දොර වසා ඇති අතර එහිදී කොල්ලකරුවන් එම ආරක්ෂක නිලධාරියාට පහරදී එම වීදුරු දොරට ද වෙඩි තබා කුඩු කර පලා ගොස් තිබූ බවද පොලිසිය පවසයි.
ටී 56 වර්ගයේ ගිනිඅවියකින් මෙම වෙඩි තැබිම සිදුකර ඇති බවද පොලිස් පරීක්ෂණවලදී හෙළි වී තිබේ.
කොල්ලකරුවන් වෙඩි ප්‍රහාර තුනක් තැබූ බවද සේවකයින් පොලිසියට පවසා ඇත.
මෙම කොල්ලය බැංකුවේ ආරක්ෂක කැමරා පද්ධතියේ සටහන් වී ඇති අතර ඒ ඔස්සේ පරීක්ෂණ කටයුතු ගල්කිස්ස මූලස්ථාන පොලිසිය පවත්වනු ලබයි.
ගල්කිස්ස ජ්‍යෙෂ්ඨ පොලිස් අධිකාරි රවීන්ද්‍ර කරවිට මහතාගේ සහ සහකාර පොලිස් අධිකාරි සිසිර පෙත්තනන්ත්‍රි යන මහත්වරුන්ගේ අධීක්ෂණයෙන් ගල්කිස්ස අපරාධ විමර්ශන ඒකකයේ ස්ථානාධිපති උප පොලිස් පරීක්ෂක එරික් රෝහිත මහතා ඇතුළු නිලධාරීන් විසින් සිදුකරයි.
rivira
