ඇවන්ගාර්ඩ් සමාගම සතු මහනුවර නම් නවුකාව (පාවෙන අවි ගබඩාව) සඳහා විශ්‍රාමික හමුදා නිලධාරීන් බඳවා ගැනීමත් රජයට මුදල් ගෙවීමත් නීත්‍යානුකූලව සිදු වී ඇති බව රජයේ විමර්ශනයෙන් සනාථ වී තිබේ.
මෙකී පාවෙන අවි ගබඩාව මෙහෙය වූ රජය සතු රක්‌නා ලංකා ආරක්‍ෂක සමාගමට පාවෙන අවි ගබඩාවේ මුහුදු ආරක්‍ෂකයන් යෙදවීමට ආරක්‍ෂක අමාත්‍යාංශය අවසර දී තිබූ බව තවදුරටත් තහවුරු වී ඇත.
ඇවන් ගාර්ඩ් සමාගමට දිගින් දිගටම චෝදනා එල්ල කරන ජනතා විමුක්ති පෙරමුණේ නායක අනුර කුමාර දිසා නායක මහතාට එම සමාගමේ අධිපති මේජර් නිශ්ශංක මහතා ප්‍රසිද්ධ විවාදයකට පැමිණෙන ලෙස අභියෝග කළ ද දිසානායක මහතා ඒ ප්‍රතික්ෂේප කළේය.
ඒ කෙසේ නමුත් ඊයේ දිනයේදී ජනරාල් සරත් ෆොන්සේකා මහතා පැවැසූවේ මෙම පාවෙන අවි ගබඩාවේ කටයුතු සඳහා හමුදාවෙන් පැන ආ සෙබළුන් දෙදහක් පමණ යොදාගෙන සිටින බවය. තමන්ට එරෙහිව පසුගිය රජය නඩු පැවැරුවේද හමුදාවෙන් පැන ආ සෙබළුන් තබා ගැනීම සම්බන්ධයෙන් චෝදනා කොට බවත් එම චෝදනා බොරු බවත් ඔහු පැවැසිය.
